தவறவிடாதீர்கள்..!உடனே பதிவு செய்யுங்கள்

கச்சதீவு புனித அந்தோனியார் தேவாலயத்தின் வருடாந்த திருவிழா திருப்பலி நிகழ்வு இன்று (24) காலை யாழ். மறை மாவட்ட குரு முதல்வர் ஜெபரட்ணம் அடிகளாரின் தலைமையில் ஒப்புக்கொடுக்கப்பட்டது. நேற்று (23) கொடியேற்றத்தையடுத்து, சிலுவைப் பாதை, நற்கருணை ஆராதனை மற்றும் திருச்சொரூப பவனி ஆகியன இடம்பெற்றன.
இத்திருவிழாவுக்கு இலங்கையில் இருந்து 4000 வரையான பக்தர்களே வருகை தந்ததுடன் இந்திய பக்தர்கள் எவரும் பங்கேற்கவில்லை.
மேலும், இந்நிகழ்வில் ஜனாதிபதியின் செயலாளர் சமன் ஏக்கநாயக்க, யாழ். மாவட்ட அரசாங்க அதிபர் அ.சிவபாலசுந்தரன், இலங்கை கடற்படை தளபதி பிரியந்த பெரேரா, கடற்படை உயரதிகாரிகள், யாழ்ப்பாணத்துக்கான இந்திய துணைத் தூதரக அதிகாரிகள், பொலிஸ் உயரதிகாரிகள், மதகுருமார், பக்தர்கள் எனப் பலரும் பங்கேற்றனர்.