தவறவிடாதீர்கள்..!உடனே பதிவு செய்யுங்கள்

மியான்மருக்கு ஜனநாயகம் கொண்டுவருவதற்கான போராட்டத்தில் 15 ஆண்டுகள் வீட்டுக் காவலில் இருந்த தேசிய ஜனநாயக லீக் கட்சித் தலைவரும், அமைதிக்கான நோபல் பரிசு பெற்றவருமான ஆங் சான் சூகி, தனது அரசியல் கட்சியின் ஏனைய தலைவர்களுடன் சேர்ந்து இராணுவ சதித்திட்டத்தில் தடுத்து வைக்கப்பட்டுள்ளார்.

மியான்மரின் “லேடி” என்று பிரியமாக அழைக்கப்படும் சூகி, 2015 தேர்தலில் மகத்தான வெற்றியினை பதிவுசெய்து, அரை நூற்றாண்டில் தென்கிழக்கு ஆசிய நாடான மியன்மாரின் முதல் சிவில் அரசாங்கத்தை நிறுவினார்.

அவரின் இந்த வெற்றியானது மில்லியன் கணக்கானவர்களின் கனவுகளை நிறைவேற்றியது.

ஆனால் நோபல் பரிசு பெற்ற அவர், பதவியேற்ற பின் இரண்டு ஆண்டுகளுக்கு பின்னர் ரோஹிங்கியா முஸ்லிம் சிறுபான்மையினருக்கு எதிராக இராணுவம் தலைமையில் கடுமையான தாக்குதலை முன்னெடுத்து உலகத்தை திகைக்க வைத்தார்.

இந்த நடவடிக்கை நூறாயிரக்கணக்கானவர்களை நாட்டை விட்டு வெளியேற கட்டாயப்படுத்தியது.

மியான்மரில், சூகி போற்றப்படுகிறார், எனினும் அதன் எண்ணற்ற இனக்குழுக்களை ஒன்றிணைக்கவோ அல்லது அதன் தசாப்த கால உள்நாட்டுப் போர்களை முடிவுக்குக் கொண்டுவரவோ அவர் தவறிவிட்டார். 

பத்திரிகைகள் மற்றும் சிவில் சமூகத்தின் மீதான கடுமையான கட்டுப்பாடுகளையும் அவர் மேற்பார்வையிட்டார் மற்றும் பல முன்னாள் நட்பு நாடுகளுடன் விலகிவிட்டார்.

1947 ஆம் ஆண்டில் படுகொலை செய்யப்பட்ட சுதந்திர நாயகன் ஆங் சானின் மகள், சூகி தனது இளம் வாழ்க்கையின் பெரும்பகுதியை வெளிநாடுகளில் கழித்தார். அவர் ஆக்ஸ்போர்டு பல்கலைக்கழகத்தில் பயின்றார்,  பிரிட்டிஷ் கல்வியாளர் மைக்கேல் அரிஸை திருமணம் செய்து கொண்டார், அவருக்கு இரண்டு மகன்கள் இருந்தனர்.

1988 இல் தன் தாயாரைக் கவனிப்பதற்காக மியன்மாரின் யாங்கூனுக்கு மீண்டும் வந்தார் சூகி. இதன்போது தனது தந்தையின் மரணத்திற்குப் பிறகு அதிகாரத்தைக் கைப்பற்றி, நாட்டை ஒரு அழிவுகரமான தனிமையில் மூழ்கடித்த இராணுவ ஆட்சிக்குழுவுக்கு எதிரான மாணவர் தலைமையிலான புரட்சியில் அவர் அடித்துச் செல்லப்பட்டார்.

தனது தாய்நாட்டின் விடுதலைக்காக போராட முடிவு செய்த, சூகி தேசிய ஜனநாயக லீக் கட்சியை துவங்கி தலைவியானார். மக்கள் இருகரம் நீட்டி அள்ளி அணைத்து தங்கள் இதயத்தில் ஏந்திக்கொண்டனர். 

ஆனால் இராணுவ ஆட்சியாளர்களுக்கு இது பிடிக்கவில்லை. அதனால் சூகியின் புரட்சி நசுக்கப்பட்டது, அதன் தலைவர்கள் கொல்லப்பட்டனர் மற்றும் சிறையில் அடைக்கப்பட்டனர், மற்றும் சூகி தனது குடும்ப வீட்டில் சிறையில் அடைக்கப்பட்டார். அவரது பெயரை பொதுவில் பேசுவது அவரது ஆதரவாளர்களுக்கு சிறைத் தண்டனையைப் பெறக்கூடும், எனவே அவரது ஆதரவாளர்கள் சூ கீயை  "லேடி" என்று அழைத்தனர்.

சற்றே கட்டமைக்கப்பட்ட மற்றும் மென்மையாக பேசும் அவர், மியான்மரின் இராணுவ ஆட்சிக்குழு மற்றும் அதன் மனித உரிமைப் பதிவு ஆகியவற்றில் உலக கவனத்தை செலுத்துவதில் ஒரு முக்கிய பங்கைக் கொண்டிருந்தார்.

அதற்காக 1991 ஆம் ஆண்டில் அமைதிக்கான நோபல் பரிசையும் அவர் வென்றார். 1997 ஆம் ஆண்டில் சூகி யின் கணவர் அரிஸ் பிரிட்டனில் உயிரழந்தார். எனினும் அவரது இறுதிச் சடங்கில் கூட கலந்துகொள்வதற்கு இராணுவ ஆட்சி சூகிக்கு விசா வழங்கவில்லை.

பல ஆண்டுகளாக, சூகி க்கு எதிராக இராணுவம் இடைவிடாத பிரச்சாரங்களை மேற்கொண்டது.

2010 ஆம் ஆண்டில், இராணுவம் தொடர்ச்சியான ஜனநாயக சீர்திருத்தங்களைத் தொடங்கியது மற்றும் ஆயிரக்கணக்கான அழுகைகளுக்கு முன்பாக சூகி விடுவிக்கப்பட்டார், இதனால் அவரது ஆதரவாளர்களும் உற்சாகமடைந்தனர்.

சூகி விடுதலையான போது அவருக்கு வயது 65. நாடி, நரம்புகள் தளர்ந்து வாடி வதங்கிப்போனவர் வாழ்க்கை அத்துடன் முற்றுப்புள்ளியானது என்று நினைத்தவர்கள் மனதில் மன்விழும் வகையில் மீண்டும் பினிக்ஸ் பறவையாக எழுந்துவிட்டார்.

அதன் பின்னர் 2015 தேர்தல் வெற்றியின் மூலம், சூகி அரச ஆலோசகராகி, உள்நாட்டுப் போரை முடிவுக்குக் கொண்டுவருவதாகவும், வெளிநாட்டு முதலீட்டை அதிகரிப்பதாகவும், அரசியலில் இராணுவத்தின் பங்கை குறைப்பதாகவும் உறுதியளித்தார். 

பெளத்தர்களுடனான வன்முறை மோதல்களின் சுமைகளைச் சந்தித்த ரோஹிங்கியாக்களின் அவல நிலையை முடிவுக்கு கொண்டு வருவேன் என இதன்போது அவர்  மேற்கத்திய நட்பு நாடுகளுக்கு உறுதியளித்தார்.

எனினும் 2017 ஆகஸ்ட் மாதம் ரோஹிங்கியா போராளிகள் பாதுகாப்புப் படையினரைத் தாக்கினர் அதற்கு இராணுவம் பதிலளிக்கும் வகையில் நூற்றுக்கணக்கான கிராமங்களை எரித்தது மற்றும் வெகுஜன கொலைகள் மற்றும் கும்பல் கற்பழிப்புகளை நடத்தியது. 

இது "இனப்படுகொலை நோக்கத்துடன்" நடத்தப்பட்டதாக ஐக்கிய நாடுகள் சபை மியன்மார் மீது குற்றம் சாட்டியது.

இருந்தபோதும் இராணுவம் "சட்டத்தின் ஆட்சியை" கடைப்பிடிப்பதாக சூ கீ கூறினார். அதன் பின்னர் ரோஹிங்கியர்களுக்கு எதிரான தொடர்ச்சியான அடக்குமுறை காரணமாக  உலகளாவிய அமைப்புக்கள் மற்றும் தலாய் லாமா உள்ளிட்ட முன்னாள் தலைவர்கள் பகிரங்கமாக அவரைக் கண்டித்தனர்.

மேலும் சூ கிக்கு வழங்கப்பட்ட பல பாராட்டுக்களும் இரத்து செய்யப்பட்டன.

2019 ஆம் ஆண்டில், சர்வதேச நீதிமன்றத்தில் இனப்படுகொலை குற்றச்சாட்டுகளை எதிர்கொள்ள அவர் ஹேக்கிற்கு (நெதர்லாந்து) சென்று போர்க்குற்றங்கள் செய்யப்படுவதற்கான சாத்தியத்தை அவர் ஒப்புக் கொண்டார்.

(ஜெ.அனோஜன்)