இலங்கை மற்றும் இங்கிலாந்து அணிகளுக்கிடையிலான இரண்டாவது டெஸ்ட் போட்டியானது இன்று காலை 10.00 மணிக்கு காலி சர்வதேச மைதானத்தில் ஆரம்பமாகவுள்ளது.

இப் போட்டியில் நாணய சுழற்சியில் வெற்றி பெற்றுள்ள இலங்கை முதலில் துடுப்பெடுத்தாடுவதற்கு தீர்மானித்துள்ளது.

இலங்கைக்கு சுற்றுப் பயணம் மேற்கொண்டுள்ள ஜோ ரூட் தலைமையிலான இங்கிலாந்து அணியினர் இலங்கை அணியுடன் இரு போட்டிகள் கொண்ட உலக டெஸ்ட் சாம்பியன்ஷிப் தொடரில் விளையாடி வருகின்றனர்.

இதில் முதல் போட்டியில் இங்கிலாந்து அணி 7 விக்கெட்டுகளினால் வெற்றி பெற்றிருந்தது.

இந் நிலையில் இங்கிலாந்துக்கு எதிரான முதல் டெஸ்டின் தோல்வி இலங்கை வீரர்களுக்கு அழுத்தம் கொடுத்துள்ளது. ஆனால் இரண்டாவது இன்னிங்சில் பேட்ஸ்மேன்கள் இயல்பு நிலைக்கு திரும்பியுள்ளமையினால் அணியின் நம்பிக்கை இன்று ஆரம்பமாகும் இரண்டாவது போட்டியில் இலங்கைக்கு சாதகமான அணுகுமுறையை அளித்துள்ளது.

இன்றைய ஆட்டம் இலங்கைக்கும், சுற்றுலா இங்கிலாந்துக்கும் ஒரு சிறப்பு போட்டி என்பதுடன், இன்றைய போட்டியில் இலங்கை அணியின் வெற்றி பல காரணிகளால் மிக முக்கியமானதாக இருக்கும்.

முக்கிய அம்சம் டெஸ்ட் தொடரை 1-1 என்ற கணக்கில் கண்ணியத்துடன் முடிப்பதும்,  கடந்த சில போட்டிகளில் இலங்கை அணிக்கு எதிரான இங்கிலாந்தின் வெற்றியை முடிவுக்கு கொண்டு வருவது என்பதாகும்.

இன்றைய போட்டியை நோக்கமாகக் கொண்டு, இலங்கை அணி நேற்று முன்தினமும், நேற்றும் (20-21) காலி மைதானத்தில் பயிற்சியில் ஈடுபட்டது.

வழக்கமான அணித் தலைவர் திமுத் கருணாரத்னாவின் வெளியேற்றத்தினால் அணியின் தலைமைப் பொறுப்பானது இன்றைய ஆட்டத்திலும் தினேஷ் சந்திமாலிடம் ஒப்படைக்கப்பட்டுள்ளது.

 

இலங்கை 

இன்றைய போட்டிக்கான அணியில் குசல் மெண்டிஸ் சேர்க்கப்படாததால், ஓஷாதா பெர்னாண்டோவுக்கு 3 மூன்றாவது இடத்தில் விளையாடும் பொறுப்பு வழங்கப்பட்டுள்ளது. 

மூன்றாவது இடத்திலிருந்து விளையாடுவது என்பது ஓஷாதவுக்கு புதிய விடயம் அல்ல. 2019 ஆம் ஆண்டில் தென்னாபிரிக்காவின் தொடக்க டெஸ்ட் சுற்றுப்பயணத்தின்போதும் அவர் மூன்றாவது இடத்தில் விளையாடினார்.

ஓஷாதவைத் தவிர, அனுபவமிக்க வேகப்பந்து வீச்சாளர் சுரங்கா லக்மலும் இன்றைய போட்டிக்கான அணியில் இடம்பெறுவார். இலங்கை அணியின் போட்டிக்கு முந்தைய திட்டம் நான்கு முக்கிய பந்து வீச்சாளர்களுடன் நுழைவதுதான்.

இதற்கிடையில் முதல் இன்னிங்சில் டெஸ்ட் பந்து வீச்சாளராக சரியான தாளத்தைக் கண்டுபிடிக்க முடியாததால் ஒரு விக்கெட் கூட எடுக்கத் தவறிய வானிந்து ஹசரங்காவும் தனது இடத்தை இழக்க நேரிடும்.

பெரும்பாலும் அவருக்கு பதிலாக புதுமுகம் ரமேஷ் மெண்டிஸ் நியமிக்கப்படுவார். இதுவரை சர்வதேச போட்டியில் விளையாடாத ரமேஷ் இன்று களமிறங்கினால் இலங்கை அணி சார்பில் சர்வதேச டெஸ்டில் விளையாடும் 154 ஆவது வீரராக இருப்பார்.

சுழற்பந்து வீச்சாளராக இருக்கும் ரமேஷின் பேட்டிங் திறனும் அணியை சமநிலைப்படுத்த உதவும். சகலதுறை ஆட்டக்காரராக அறியப்பட்ட போதிலும், சமீபத்தில் முடிவடைந்த உள்ளூர் இன்டர்-கிளப் மூன்று நாள் கிரிக்கெட் போட்டியில் ரமேஷ் 300 ஓட்டங்களை எடுத்துள்ளார்.

அது தவிர எல்.பி.எல். தொடரிலிலும் தனத திறமையை வெளிப்படுத்தினார் ரமேஷ் மெண்டிஸ்.

எல்பிஎல் முடிந்தது ஹே போட்டிகளிலும் சிறந்து விளங்கினார் மற்றும் தேர்வுக் குழுவின் கவனத்தை வென்றார்.

 

தினேஷ் சந்திமால்

இப் போட்டி குறித்து கருத்து தெரிவித்த இடைக்கால அணித் தலைவர் தினேஷ் சந்திமால், 

காலி மைதானம் சுழற்பந்து வீச்சாளர்களுக்கு ஒரு நல்ல களம் என்பதை நாம் அனைவரும் அறிவோம். நாங்கள் அணியைப் பார்க்கும்போது பெரும்பாலும் ஆறு பேட்ஸ்மேன்கள் மற்றும் ஒரு சகலதுறை ஆட்டக்காரருடன் செல்ல விரும்புகிறோம். 

இங்கிலாந்து வீரர்கள் நன்றாக விளையாடுகிறார்கள். அவர்கள் ஒரு நல்ல திட்டத்தை கொண்டு வந்திருந்தனர்.

குறிப்பாக இறுதிப் போட்டி மற்றும் கடந்த ஆண்டு அவர்கள் எங்களுடன் விளையாடிய போட்டிகள். நாம் அனைவரும் அதை அறிவோம். 

மேலும் எங்கள் அணியில் சிரேஷ்ட வீரர்கள் குறைவாக உள்ளனர். குறிப்பாக பந்துவீச்சு சக்தி. 

ஒரு அணியாக நான் எப்போதும் சொல்வது அவர்களின் திறனை முடிந்தவரை பயன்படுத்திக் கொள்ளுங்கள். 11 வீரர்களும் தங்கள் சொந்த திறமைகளை கொண்டு வர முடிந்தால், இந்த 5 நாட்களின் முடிவில் நாங்கள் ஒரு நல்ல முடிவைப் பெற முடியும் என்றார்.

 

இங்கிலாந்து

துல்லியமான திட்டங்களுடன் ஜோ ரூட் தலைமையிலான இங்கிலாந்து அணி இன்று ஆடுகளம் நுழையவுள்ளது.

எனினும் இப் போட்டியின் ஆச்சரியம் என்னவென்றால், டெஸ்டில் விளையாட திட்டமிடப்பட்டுள்ள 11 இங்கிலாந்து வீரர்களில் ஸ்டூவர்ட் பிராட் இல்லை. 

முதல் டெஸ்டில் சிறப்பாக பந்து வீசிய பிராட், போட்டிக்கு ஓய்வெடுக்க முடிவு செய்துள்ளார், அவருக்கு பதிலாக அணியின் ஜேம்ஸ் ஆண்டர்சன் நியமிக்கப்படுவார். 

இது இவ்வாறிருக்க அணியில் இருக்கும் கிறிஸ் வோக்ஸ் மற்றும் ஒல்லி ஸ்டோன் ஆகியோர் இன்றைய ஆட்டத்தையும் இழப்பார்கள்.

உலக டெஸ்ட் சாம்பியன்ஷிப்பின் கீழ் நடைபெற்று வரும் இந்த போட்டிக்கு முன்னர் விளையாடிய நான்கு போட்டிகளிலும் இலங்கை அணி தோல்வியடைந்துள்ளது என்பது குறிப்பிடத்தக்கது. 

மேலும் இலங்கை வீரர்கள் இன்றைய போட்டியிலும் தொடர்ச்சியாக தோல்வியுற செய்து வெற்றி பயணத்துடன் நாடு திரும்ப வேண்டும் என்ற நோக்குடன் இங்கிலாந்து அணி திட்டமிட்ட முறையில் ஆடுகளம் நுழையும்.

இறுதி டெஸ்டில் இங்கிலாந்து அணி எடுத்த 20 விக்கெட்டுகளில் 14 விக்கெட்டுகள் இங்கிலாந்து அணியின் சுழற்பந்து வீச்சாளர்களான டோம் பெஸ் மற்றும் ஜாக் லீச் இடையே பகிரப்பட்டது. 

இந் நிலையில் இந்த சுழல் பந்து வீச்சாளர்கள் தொடர்பில் கருத்து தெரிவித்த அணித் தலைவர் ஜோ ரூட், 

அவர்கள் மிகக் குறைந்த எண்ணிக்கையிலான போட்டிகளில் விளையாடியுள்ளனர். அந்த போட்டிகளுடன் அவர்கள் தங்கள் திறன்களை அனுபவத்தின் மூலம் வளர்த்துக் கொண்டார்கள் என்று நினைக்கிறேன். 

அவர் தொடர்ந்து பயிற்சி மற்றும் போட்டிகளில் சிறந்து விளங்குவேன் என்று நம்புகிறேன் என்றார்.