தவறவிடாதீர்கள்..!உடனே பதிவு செய்யுங்கள்

இந்தியாவில் சொத்துக்குவிப்பு வழக்கில் சிறை தண்டனை அனுபவித்து வரும், சசிகலாவின் 4 ஆண்டு சிறை தண்டனை எதிர்வரும் 27ஆம் திகதி நிறைவுபெறுகிறது. 

இந்நிலையில், பெங்களூர் சிறையில் இருந்து 27ஆம் திகதியன்று சசிகலா விடுதலையாக இருக்கிறார் என்று அறிவிக்கப்பட்டுள்ள போது, அவருக்கு கடந்த இரு நாட்களாக காய்ச்சல், இருமல் இருந்ததாக கூறப்படுகிறது. நேற்று காலை திடீரென மூச்சுத்திணறலும் ஏற்பட்டுள்ளது. உடனடியாக சிறைச்சாலை வளாகத்திலுள்ள வைத்தியர்கள் சசிகலாவின் உடல்நிலையை பரிசோதனை செய்தனர்.

அதன்பின், பெங்களூரிலுள்ள பவுரிங் வைத்தியசாலைக்கு அழைத்துச் சென்றனர். அங்கு அவரது உடல்நிலை பரிசோதனை செய்யப்பட்டு சிகிச்சையளிக்கப்பட்டு வருகிறது.

இந்நிலையில், அவருக்கு நேற்றிரவு மீண்டும் மூச்சுத்திணறல் ஏற்பட்டது. இதையடுத்து அவர் அவசர சிகிச்சை பிரிவுக்கு மாற்றப்பட்டு, தீவிர சிகிச்சையளித்து வருவதாக அந்நாட்டு ஊடகங்கள் தகவல் வெளியிட்டுள்ளன.