தவறவிடாதீர்கள்..!உடனே பதிவு செய்யுங்கள்

பிரேஸில் நாட்டில் ரியோ நகரில் இன்று தொடங்க உள்ள 31 ஆவது ஒலிம்பிக் விளையாட்டுப் போட்டிகளை முன்னிட்டு, கூகுள் நிறுவனம் சுவாரஸ்யமான டூடுல் ஒன்றை வெளியிட்டுள்ளது.

ரியோ ஒலிம்பிக் போட்டி இலங்கை நேரப்படி சனிக்கிழமை அதிகாலை 4 மணிக்கு தொடங்குகின்றன. இந்தப் போட்டியில் இலங்கை,இந்தியா, அமெரிக்கா, ஆஸ்திரேலியா, இங்கிலாந்து உள்பட 207 நாடுகளைச் சேர்ந்த 10,500 விளையாட்டு வீரர்கள் பங்கேற்கவுள்ளனர். இதில், கொசோவா, தெற்கு சூடான் போன்ற நாடுகள் முதல்முறையாக பங்கேற்கின்றது. 

ரியோ ஒலிம்பிக் விளையாட்டை முன்னிட்டு, '2016 டூடுல் பழ விளையாட்டு போட்டி' ஒன்றை கூகுள் டூடுலில் அறிமுகப்படுத்தியுள்ளது. 

இன்று தொடங்கும் ஒலிம்பிக் போட்டி வருகிற 21ஆம் திகதி வரை நடைபெற உள்ள நிலையில், வரும் நாட்களில் பழக்கூடையில் உள்ள அன்னாச்சிப்பழம், ஸ்டோபெரி, தர்பூசணி ஆகிய பழங்கள் ரியோ போட்டியில் பங்கேற்று, தங்களின் திறமையை வெளிப்படுத்தும் வகையில் டூடுள் வடிவமைக்கப்பட்டுள்ளது.

இது ரியோ ஒலிம்பிக் போட்டியில் இடம்பெறும் ஓட்டப்பந்தயம், நீச்சல் போட்டி, சைக்கிள் போட்டி உள்ளிட்ட பாரம்பரிய போட்டிகளை பிரதிபலிக்கும் வகையில் திட்டமிடப்பட்டுள்ளதாக தெரிகிறது. 

இந்த பழ விளையாட்டில் பங்கேற்க விரும்பவர்கள் அன்ட்¬ரோயிட் மற்றும் ஐஓஎஸ் கையடக்கத்தொலைபேசிகளில், கூகுள் டூடுலை கிளிக் செய்து விளையாடலாம்.