தவறவிடாதீர்கள்..!உடனே பதிவு செய்யுங்கள்

இன்று நீரிழிவால் பாதிக்கப்பட்டவர்கள் அதிலும் டைப் 2 டயாபடீஸால் பாதிக்கப்பட்டவர்கள் அதிகரித்துக் கொண்டே வருகிறார்கள். இவர்கள் இதனை கட்டுப்படுத்த ஆயுள் முழுவதும் மருத்துவர்கள் பரிந்துரைக்கும் மாத்திரைகளை சாப்பிட்டு வருவதுடன், உணவு கட்டுப்பாட்டையும் கடைபிடிக்கவேண்டும்.

இந்நிலையில் இவர்களுக்கு ஒரு மகிழ்ச்சியான செய்தியை மெட்போர்ட் பல்கலைகழகம் மற்றும் கேம்ப்ரிட்ஜ் பல்கலைகழக விஞ்ஞானிகள் கண்டறிந்து சொல்லியிருக்கிறார்கள்.

டைப் 2 நீரிழிவைக் கட்டுப்படுத்த செறிவூட்டப்படாத கொழுப்பு சத்து நிறைந்த உணவுகளை அதிகளவில் சாப்பிட்டு வரவேண்டும். இப்படி செய்து வரும் போது இவை டைப் 2 நீரிழிவிற்கான இன்சுலீன் சுரப்பியின் செயல்பாட்டை சீராக்குகிறது என்றும், அதனையடுத்து டைப் 2 நீரிழிவை கட்டுக்குள் வைக்க இயலும் என்பதையும் கண்டறிந்திருக்கிறார்கள். அதேசமயத்தில் கார்போஹைட்ரேட் நிறைந்த உணவுகளை தவிர்க்கவேண்டும் என்பதையும் அறிவுறுத்தியிருக்கிறார்கள்.

4500க்கும் மேற்பட்டவர்களிடம் நடத்தப்பட்ட சோதனையில் செறிவூட்டப்படாத கொழுப்பு (unsaturated fats) சத்துள்ள உணவினை தொடர்ந்து சாப்பிட்டவர்கள். டைப் 2 நீரிழிவின் பாதிப்பின் அளவு வெகுவாக குறைந்திருந்ததை கண்டறிந்திருக்கிறார்கள்.

பாதாம், வெண்ணெய், வேர்க்கடலை மற்றும் வேர்க்கடலை வெண்ணெய், அக்ரூட் பருப்பு, மத்தி எனப்படும் மீன், மெகடாமியா கொட்டைகள், சால்மன் எனப்படும் ஒரு வகையான நன்னீர் மீன் ஆகிய இவைகள் எல்லாம் செறிவூட்டப்படாத கொழுப்புகள் என்பதை நாங்கள் சொல்லாமலேயே நீங்கள் தெரிந்துகொண்டிருப்பீர்கள். இருந்தாலும் ஒரு முறை நினைவு படுத்துவது நல்லது தானே.

இவைபோன்ற நல்ல கொழுப்பு சத்துள்ள உணவை மருத்துவர்களின் எச்சரிக்கையுடன் கூடிய அறிவுறுத்தலுடன் சாப்பிட்டால் டைப் 2 சர்க்கரை வியாதியிலிருந்து காப்பாற்றிக் கொள்ளலாம்.

டொக்டர் ஏ சந்திரமோகன், M.D.,

தொகுப்பு அனுஷா.

தகவல் : சென்னை அலுவலகம்