தவறவிடாதீர்கள்..!உடனே பதிவு செய்யுங்கள்

புத்தாண்டு தினத்தில் உலகளாவிய ரீதியில் 3 இலட்சத்து 60 ஆயிரம் குழந்தைகள் பிறந்திருக்கலாம் என யுனிசெப் நிறுவனம் கணித்துள்ளது.

உலகளவில் குழந்தை பிறப்பு எண்ணிக்கையை 10 நாடுகளை அடிப்படையாகக் கொண்டு யுனிசெப் நிறுவனம் கணித்துள்ளது.

அந்த நிறுவனத்தின் அறிவிப்பின் பிரகாரம்  புத்தாண்டு தினத்தில் 3 இலட்சத்து 60 ஆயிரம்  குழந்தைகள் உலகலாவிய ரீதியில் பிறந்திருக்கலாம் என கணித்துள்ளது.  

இதேவேளை, 2021 ஆம் ஆண்டில் 140 மில்லியன் குழந்தைகள் பிறக்கும் என்று மதிப்பிடப்பட்டுள்ளது.

இவ்வாறு பிறந்துள்ள குழந்தைகளின் சராசரி ஆயுட்காலம் 84 ஆண்டுகள் என்று எதிர்ப்பார்க்கப்படுகிறது.

2021 ஜனவரி முதலாம் திகதி புத்தாண்டு தினத்தன்று இந்தியாவில் 59 ஆயிரத்து 995 குழந்தைகளும் சீனாவில் 35ஆயிரத்து 615 குழந்தைகளும் நைஜிரியாவில் 21ஆயிரத்து 439 குழந்தைகளும் பாகிஸ்தானில் 14ஆயிரத்து 161 குழந்தைகளும் பிறந்துள்ளன.

அத்துடன் எத்தியோப்பியாவில் 12ஆயிரத்து 6 குழந்தைகளும் அமெரிக்காவில் 10 ஆயிரத்து 312 குழந்தைகளும் எகிப்தில் 9 ஆயிரத்து 455 குழந்தைகளும் பங்களாதேஷில் 9ஆயிரத்து 236 குழந்தைகளும் கொங்கோ குடியரசில் 8 ஆயிரத்து 640 குழந்தைகளும் பிறந்திருக்கலாம் என தெரிவிக்கப்பட்டுள்ளமை குறிப்பிடத்தக்கது.