தவறவிடாதீர்கள்..!உடனே பதிவு செய்யுங்கள்

விஜய்யின் அடுத்த படம் மாஸ்டர். இது, எதிர்வரும் தைப்பொங்கல் தினத்தன்று திரைக்கு வரவிருக்கிறது. 

இதுபற்றிய பல தகவல்கள், குறிப்பாக விஜய் சேதுபதி வில்லன் கதாபாத்திரம் ஏற்றிருப்பது, மாநகரம், கைதி படங்களின் இயக்குனர் லோகேஷ் கனகராஜ் இயக்கியிருப்பது என்று பரபரப்பு ஏற்றியிருக்கின்றன.

இந்தப் படத்தின் முன்னோட்டம் இன்று வெளியாகவுள்ள நிலையில், மாஸ்டர் வெளியாகும் திரையரங்குகளில் 100 சதவீத பார்வையாளர்களுக்கு அனுமதி வழங்குமாறு கோரிக்கை விடுக்க, பட நிறுவனம் திட்டம் கொடுத்தது. இந்தக் கோரிக்கையை நடிகர் விஜய், தமிழக முதல்வர் எடப்பாடி பழனிச்சாமியிடம் சென்று நேரடியாக விடுத்தார்.

இதற்கிடையில் இந்தச் செய்தியை விஷமிகள் சிலர், ‘எடப்பாடி பழனிச்சாமியின் காலில் விழுந்த விஜய்’ என்று ஹேஷ்டேக் ஒன்றை உருவாக்கி பதிவேற்றம் செய்து வருகின்றனர். இது, விஜய்யின் ரசிகர்களுக்குப் பெரும் கொந்தளிப்பை ஏற்படுத்தியிருக்கிறது.