(செ.தேன்மொழி)

பொல்பித்திகம பகுதியில் போலி 5000 ரூபாய் நாணயத்தாள் மற்றும் போலி 1000 ரூபாய் நாணயத்தாள்களுடன் சந்தேக நபரொருவர் கைது செய்யப்பட்டுள்ளார். 

பொல்பித்திகம பொலிஸ் பிரிவுக்குட்பட்ட மாலுலிய பகுதியில்  நேற்று மாலை பொலிஸாருக்கு கிடைக்கப்பெற்ற தகவலுக்கமைய மேற்கொள்ளப்பட்ட சுற்றிவளைப்பின் போதே குறித்த சந்தேகநபர் கைது செய்யப்பட்டதாக பொலிஸ் ஊடகப்பிரிவு தெரிவித்துள்ளது.

மாலுலிய பகுதியைச் சேர்ந்த 31 வயதுடைய நபரொருவரே இவ்வாறு கைது செய்யப்பட்டுள்ளார். 

இவரிடமிருந்து  5000 ரூபாய் பெறுமதியான போலி நாணயத்தாள் ஒன்றும், 1000 ரூபாய் பெறுமதியான போலி நாணயத்தாள்கள் ஐந்தும் கைப்பற்றப்பட்டுள்ளன. 

சந்தேகநபர் தொடர்பான மேலதிக விசாரணைகளை பொல்பித்திகம பொலிஸார் முன்னெடுத்து வருகின்றனர்.