தவறவிடாதீர்கள்..!உடனே பதிவு செய்யுங்கள்

மஹாரா சிறைச்சாலை கலவரம் தொடர்பாக 165 நபர்களிடமிருந்து குற்றப் புலனாய்வுப் பிரிவினர் அறிக்கைகளை பதிவு செய்துள்ளதாக பிரதிப் பொலிஸ் மா அதிபரும், பொலிஸ் ஊடகப் பேச்சாளருமான அஜித் ரோஹன தெரிவித்துள்ளார்.

சிறைக்கைதிகள், சிறைச்சாலை அதிகாரிகள், வைத்தியர்கள் மற்றும் ஆண் தாதியர்களிடமே பெறப்பட்ட வாக்குமூலங்களின் அடிப்படையிலேயே இவ்வாறு அறிக்கைகள் பதிவுசெய்யப்பட்டுள்ளன.

நவம்பர் 29 ஆம் திகதி ஏற்பட்ட அமையதின்மையில் 11 கைதிகள் உயிரிழந்ததுடன், அவர்களில் எட்டுப் பேர் இதுவரை அடையாளம் காணப்பட்டுள்ளனர்.

25 அதிகாரிகள் அடங்கிய குற்றப் புலனாய்வுத் துறை அதிகாரிகள் இது தொடர்பான விசாரணைகளை முன்னெடுத்து வருகின்றனர்.