(ஆர்.யசி, எம்.ஆர்.எம்.வஸீம்)
பாதுகாப்பு அமைச்சின் செலவுக்கட்டளை 207 க்கு எதிராக எதிர்க்கட்சி தமிழ் தரப்பினர் வாக்கெடுப்பு கோரிய நிலையில் அதற்கு ஆதரவாக 137 வாக்குகளும் எதிராக 5 வாக்குகளும் அளிக்கப்பட்டன.
அதனடிப்படையில் மேலதிக 132 வாக்குகளால் பாதுகாப்பு அமைச்சின் நிதி ஒதுக்கீடு நிறைவேற்றப்பட்டது.
பாராளுமன்றத்தில் இன்று வியாழக்கிழமை அடுத்த வருடத்துக்கான வரவு செலவு திட்டத்தில் பாதுகாப்பு அமைச்சு மற்றும் இராஜாங்க அமைச்சுகளுக்கான நிதி ஒதுக்கீடு தொடர்பிலான குழுநிலை விவாதம் இடம்பெற்றது. காலை 9.30 மணி முதல் இடம்பெற்ற விவாதத்தில் பாதுகாப்பு அமைச்சு தொடர்பாக கடும் வாக்குவாதம் இடம்பெற்றது.
குறிப்பாக தமிழ் தேசிய கூட்டமைப்பு மற்றும் தமிழ் தேசிய மக்கள் முன்னணி உறுப்பினர்கள் விவாதத்தில் உரையாற்றும் போது ஆளும் தரப்பினர் கடும் எதிர்ப்பு தெரிவித்திருந்தனர்.
இறுதியில் அமைச்சுக்கான நிதி ஒதுக்கீடு தொடர்பான சபையின் ஆதரவை சபாநாயகர் கோரியபோது அமைச்சின் செலவுக்கட்டளை 207க்கு தமிழ் தேசி மக்கள் முன்னணி உறுப்பினர் செல்வராசா கஜேந்திரன் வாக்கெடுப்பு கோரினார்.
அதனைத்தொடர்ந்து சபாநாயகர் வாக்கெடுப்புக்கு அழைப்பு விடுத்தார். வாக்கெடுப்பு சபையில் இலத்திரணியல் அடிப்படையில் இடம்பெறாமல் பாராளுமன்றத்தில் உறுப்பினர்களின் ஆசன வரிசையின் அடிப்படையில் இடம்பெற்றது.
அதனடிப்படையில் ஆரம்பமாக ஆளும் தரப்பு வரிசையில் முதலாவது வரிசையில் இருப்பவர்கள் எழுந்து குறித்த செலவுக்கட்டை இலக்கத்துக்கு ஆதரவை தெளிப்படுத்தினர். அதன் பின்னர் ஒன்றன் பின் ஒன்றாக இருக்கும் ஆசன வரிசைகளில் இருப்பவர்கள் தங்களது ஆதரவை எழுந்து நின்று வெளிப்படுத்தினர்.
அதனைத்தொடர்ந்து எதிர்த்தரப்பில் முதலாவது வரிசையில் இருந்தவர்களிடம் ஆதரவு கேட்டபோது அதில் ஒருவர் ஆதரவாக எழுந்திருந்தார். பின்னர் குறித்த செலவு கட்டளைக்கு எதிராக வாக்களிக்க எழுந்திருக்குமாறு வரிசை பிரகாரம் சபாநாயகர் அழைத்தபோது ஆளும் தரப்பில் யாரும் இருக்கவில்லை. எதிர்த்தரப்பில் 5 பேர் எதிராக வாக்களித்தனர்.
அதன் பிரகாரம் குறித்த செலவுக்கட்டளைக்கு ஆதரவாக 137 வாக்குகளும் எதிராக 5வாக்குகளும் வழங்கப்பட்டு 132 மேதிக வாக்குகளால் பாதுகாப்பு அமைச்சின் நிதி ஒதுக்கீடு அங்கிகரிக்கப்பட்டது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM