தவறவிடாதீர்கள்..!உடனே பதிவு செய்யுங்கள்

ஹட்டன் நோர்வூட் பிரதேச சபைக்குட்பட்ட பொகவந்தலாவ சுகாதாரப் பிரிவுக்குட்பட்ட  பகுதியில் ஆறு கொரோனா  தொற்றாளர்கள் அடையாளம் காணப்பட்டுள்ளதாக தெரிவிக்கப்பட்டுள்ளது.

நேற்று 26.11.2020.வியாழக்கிழமை இரவு வெளியான பி.சி.ஆர் பிரிசோதனை  அறிக்கையிலேயே குறித்த ஆறு பேருக்கும் தொற்று உறுதி செய்யபட்டுள்ளது.

பொகவந்தலாவ,  கொட்டியாகலை கிழ்பிரிவு, பொகவானை தோட்டம்,  செல்வகந்த தோட்டம் , நோர்வூட் வெஞ்சர் தோட்டம், மற்றும் டிக்கோயா சாஞ்சிமலை கிழ்பிரிவு தோட்டத்தில் ஒரு பெண் என 06 பேர் தொற்றாளர்கள் என அடையாளம் காணப்பட்டுள்ளனர்.

தொற்றுக்கு உள்ளான ஆறு பேரும் கொழும்பு புறக்கோட்டை புளுமென்டல், பம்பலப்பிட்டி ஆகிய பகுதியில் இருந்து கடந்த 17 ஆம் திகதி  மேற்படி தோட்டப்பகுதிகளிலுள்ள தமது வீடுகளுக்கு வந்துள்ளனர்.

 இதையடுத்து குறித்த 6 பேரும் சுகாதார பரிசோதகர்களினால் சுயதனிமைபடுத்துபட்டு கடந்த 24.11.2020 ஆம் திகதி செவ்வாய்கிழமை பி.சி.ஆர் பரிசோதனை மேற்கொள்ளபட்ட நிலையில் தற்போது அவர்களுக்கு தொற்று உறுதி செய்யப்பட்டுள்து.

இதையடுத்து குறித்த ஆறு பேரும் கொரோனா சிகிச்சை மத்திய நிலையங்களுக்கு அனுப்பிவைக்கப்படவுள்ளதாக  பொகவந்தலாவ பொது சுகாதார அதிகாரிகள் தெரிவித்தனர்.