கொரோனா வைரஸ் காரணமாக வெளிநாடுகளில் சிக்கித் தவித்த 289 இலங்கையர்கள் இன்று காலை நாடு திரும்பியுள்ளனர்.

அந்தவகையில் ஐக்கிய அரபு இராச்சியத்தின் டுபாயில் வசித்து வந்த 289 இலங்கையர்களே இன்று காலை நாட்டை வந்தடைந்நனர்.

நேற்றிரவு மேலும் ஒரு தொகுதி இலங்கையர்கள் வெளிநாடுகளில் இருந்து நாட்டை வந்தடைந்தனர். இவ்வாறு 55 பேர் வந்தடைந்துள்ளனர். அவர்களில் மாலைதீவில் இருந்து 29 பேரும் , இந்தியாவில் இருந்து 07 பேரும் கட்டாரில் இருந்து ஒருவரும் நேற்றிரவு வந்தடைந்தனர்.

நாட்டிற்கு வருகை தந்தவர்களுக்கு பண்டாரநாயக்க சர்வதேச விமான நிலையத்தில் பி.சி.ஆர் பரிசோதனைகள் மேற்கொள்ளப்பட்டு , அவர்கள் தனிமைப்படுத்தல் நிலையங்களுக்கு அனுப்பி வைக்கப்பட்டுள்ளமை குறிப்பிடத்தக்கது.