மக்கள் “கோத்தா பைல்“ என தெரிவிக்கின்றமைக்கான காரணத்தை சபையில் வெளியிட்டார் கபீர் ஹாசிம் 

By R. Kalaichelvan

12 Nov, 2020 | 04:05 PM
image

(ஆர்.யசி, எம்.ஆர்.எம்.வஸீம்)

இலங்கை வரலாற்றில் இந்த வருடமே அதிகூடிய கடன் பெறப்பட்டிருக்கின்றது. ஆனால் நாங்கள் 100 நாட்களில் செய்த வேலைத்திட்டங்களைக்கூட 365 நாட்களாகியும் அரசாங்கத்துக்கு செய்ய முடியாமல் போயிருக்கின்றது. அதனால் தான் மக்கள் கோத்தா பைல் என தெரிவிக்கின்றனர் என எதிர்க்கட்சி உறுப்பினர் கபீர் ஹாசிம் தெரிவித்தார்.

பாராளுமன்றத்தில் இன்று இடம்பெற்ற 2020ஆம் வருடத்துக்கான நிதி ஒதுக்கீட்டு சட்டமூலம் மீதான விவாதத்தில் கலந்துகொண்டு உரையாற்றுகையிலேயே இவ்வாறு குறிப்பிட்டார்.

அவர் அங்கு தொடர்ந்து தெரிவிக்கையில்,

வரலாற்றில் முதல் தடவையாகவே ஒரு வருடத்தில் இரண்டு வரவு செலவு திட்டங்கள் சமர்ப்பிக்கப்படுகின்றது. அரசாங்கம் கடந்த வருடம் நவம்பர் மாதம் ஆட்சி பொறுப்புக்கு வந்து, அமைச்சரவையையும் ஏற்படுத்தி இருந்தது.

ஆனால் இந்த அரசாங்கத்துக்கு 2020ஆம் ஆண்டுக்கான வரவு செலவு திட்டம் ஒன்றை தயாரித்து சமர்ப்பித்துக்கொள்ள முடியாமல் போயிருக்கின்றது. 

ஆனால் 2015இல்  முன்னாள் பிரதமர் ரணில் விக்ரமசிங்கவின் அரசாங்கத்தில் நாங்கள் பெரும்பான்மை இல்லாத நிலையில் 100 நாட்களில் வரவு செலவு திட்டம் ஒன்றை முன்வைத்து மக்களுக்கு தேவையான அத்தியாவசிய பொருட்களுக்கான விலைகளை குறைத்தோம். அரச ஊழியர்களுக்கு 10ஆயிரம் ரூபா சம்பள அதிகரிப்பை மேற்கொண்டோம்.

எரிவாயு, பெற்றோல் விலைகளை குறைத்து மக்களுக்கு நிவாரணங்களை பெற்றுக்கொடுத்தோம். ஆனால் அரசாங்கம் ஆட்சிக்கு வந்து 365நாட்களாகியும்  என்ன செய்தது என்று முடியுமானால் தெரிவிக்கவேண்டும். குறைந்தபட்சம் வரவு செலவு திட்டத்தையேனும் சமர்ப்பிக்க முடியாமல்போயிருக்கின்றது. அதனால்தான் மக்கள் கோத்தா பைல் என தெரிவிக்கின்றனர்.

மேலும் எந்தவொரு அரசாங்கமும் அந்த நிதியாண்டுக்குரிய செலவை ஆண்டின் ஆரம்பத்தில் பாராளுமன்றத்துக்கு சமர்ப்பித்து, அதற்கான அனுமதியை பெற்றுக்கொள்ளவேண்டும். ஆனால் பிரதமர் இந்த வருடத்துக்கு அரசாங்கத்தினால் செலவழிக்கப்பட்டநிதிக்கு அனுமதியை தருமாறே கேட்கின்றார்.

அதேபோல்  இந்த வருவருடத்துக்கான இரண்டு இடைக்கால கணக்கறிக்கைகளுக்கு பாராளுமன்றத்தில் அனுமதி கிடைக்கப்பெற்றது.

அதில் ஜனவரி முதல் ஏப்ரல் 31வரையும் செப்டம்பர் முதல் டிசம்பர் 31வரையாகும். ஆனால் அதற்கு இடைப்பட்ட மே மாதம் முதல் ஆகஸ்ட் 21வரையான காலத்துக்கு அரசாங்கத்தினால் செலவழிக்கப்பட்ட நிதிக்கு பாராளுமன்றத்தில் அனுமதி பெறப்படவில்லை. அரசியலமைப்பின் பிரகாரம் ஜனாதிபதிக்கு அந்த அதிகாரம் இல்லை. அப்படியானால் அந்த காலப்பகுதியில் அரசாங்கத்தினால் செலவிடப்பட்டது சட்டவிரோதமாகும்.

அத்துடன் அதிகாரத்தில் இருக்கும் அரசாங்கம் செலவுகளுக்காக கடன் பெற்றுக்கொள்ளும்போது அதற்கான அனுமதியை பாராளுமன்றத்திடம் கேட்கவேண்டும். இந்த வருடத்தில் சமர்ப்பிக்கப்பட்ட இரண்டு இடைக்கால கணக்கறிக்கையின் மூலம் 2ஆயிரம் பில்லியன் ரூபா கடன் பெற்றுக்கொள்ள பாராளுமன்ற அனுமதி வழங்கி இருந்தது.

ஆனால் இடைப்பட்ட காலத்தில் பெற்றுக்கொள்ளப்பட்ட கடனுக்கு யார் அனுமதி வழங்கியது என நாங்கள் கேட்கின்றோம். இந்த வருடத்தில் அரசாங்கம் பெற்றுக்கொண்ட கடன் காரணமாக நாட்டின் மொத்த கடன் தொகைக்கு  2ஆயிரத்தி 650 பில்லியன் ரூபா அதிகரிக்கப்பட்டிருக்கின்றது. நாடு சுதந்திரமடைந்து வரலாற்றில் ஒரு வருடத்தில் அதிகூடிய கடன் பெற்ற வருடமாக 2020 வருடம் வரலாற்றில் எழுதப்படுகின்றது என அவர் இதன்போது தெரிவித்தமை குறிப்பிடத்தக்கது.

முக்கிய செய்திகள்

icon-left
icon-right

தொடர்பான செய்திகள்

news-image

இலங்கையின் கடன் விவகாரம் இந்தியா சீனாவிற்கு...

2022-09-30 11:36:16
news-image

ஐநாவுடன் ஒத்துழைத்தமைக்காக இலங்கை உட்பட 42...

2022-09-30 11:11:16
news-image

நானுஓயா நகர் குப்பை மேட்டிற்கு என்னவாகப்போகிறது...

2022-09-30 10:53:40
news-image

காந்தி ஜெயந்தியை முன்னிட்டு யாழில் துவிச்சக்கர...

2022-09-30 12:07:36
news-image

நெருக்கடியான தருணத்தில் இந்தியா மாத்திரம் இலங்கைக்கு...

2022-09-30 10:44:59
news-image

கொலை, கொள்ளையில் ஈடுபட்ட நபர் பொலிஸாரின்...

2022-09-30 10:26:22
news-image

டொலர் இன்மையினால் கரையோர புகையிரதத்தில் வேகத்தை...

2022-09-30 10:20:10
news-image

உயர் பாதுகாப்பு வலயங்கள் குறித்து ஐநாவின்...

2022-09-30 10:16:49
news-image

ஆயுதங்களுடன் இருவர் கைது

2022-09-30 10:11:13
news-image

புனர்வாழ்வு பணியக சட்ட மூலத்தை சவாலுக்குட்படுத்தி...

2022-09-30 10:47:34
news-image

கோட்டாவின் நிழல் அரசாங்கமே தற்போதும் நாட்டை...

2022-09-30 10:39:31
news-image

“ வானமே எல்லை ” -...

2022-09-30 10:21:48