தவறவிடாதீர்கள்..!உடனே பதிவு செய்யுங்கள்

பாணந்துறை கடற்பகுதியில் கரையொதுங்கிய சுமார் 100 திமிங்கலங்களை மீண்டும் ஆழ்கடலுக்குள் திருப்பி அனுப்பும் செயற்பாடானது இன்று காலை மீள ஆரம்பிக்கப்பட்டுள்ளன.

நேற்று மாலை ஆரம்பிக்கப்பட்ட திமிங்கலங்களை திருப்பி அனுப்புவதற்கான செயற்பாடுகள் இன்று அதிகாலை 3 மணியளவில் தற்காலிகமாக நிறுத்தப்பட்டன.

பலத்த அலைகள் காரணமாக கடலுக்குள் திருப்பி அனுப்பும் திமிங்கலங்கள் மீண்டும் கரையொதுங்குவதனால் இந்த செயற்பாடுகள் தற்காலிகமாக நிறுத்தி வைக்கப்பட்டது.

எனினும் தற்சமயம் பலத்த அலைகளின் தாக்கம் குறைவடைந்துள்ளமையினால் இலங்கை கடற்படை, கடலோர காவல்படை, கடல் மற்றும் திமிங்கல வல்லுநர்கள், சுற்றுச்சூழல் ஆர்வலர்கள் மற்றும் பல தன்னார்வலர்கள் திமிங்கலங்களை திருப்பி அனுப்பும் செயற்பாடுகளை ஆரம்பித்துள்ளனர்.