தவறவிடாதீர்கள்..!உடனே பதிவு செய்யுங்கள்

மட்டக்களப்பு, கொக்கட்டிச்சோலை முனாயக்காடு களப்பு பகுதியில் கைவிடப்பட்ட நிலையில் இருந்த ரி 56 துப்பாக்கி மற்றும் 50 ரவைகள்  வவுணதீவு விசேட அதிரடிப்படையினரால்  இன்று  (21) புதன்கிழமை அதிகாலை மீட்கப்பட்டுள்ளது.

வவுணதீவு விசேட அதிரடிப்படையினருக்கு கிடைத்த தகவல் ஒன்றிற்கமைய  மட்டக்களப்பு தளபதி உதவி பொலிஸ்; அத்தியட்சகரின் ஆலோசனைக்கமைய வவுணதீவு விசேட அதிரடிப்படை பொறுப்பதிகாரி  தலைமையிலான விசேட அதிரடிப்படையினர்  குறித்த பகுதியில் உரைப்பை ஒன்றில்  சுற்றி கைவிடப்பட் நிலையில்  ரி.56 ரக துப்பாக்கி ஒன்றையும் 2 மகசீன்களையும் 50 ரவைகளையும் மீட்டுள்ளனர்.

இவ்வாறு மீட்கப்பட்ட துப்பாக்கி மற்றும் ரவைகளை கொக்கட்டிச்சோலை பொலிசாரிடம் ஒப்படைத்துள்ளதுடன் இது தொடர்பான மேலதிக விசாரணைகளை விசேட அதிரடிப்படையினர் மேற்கொண்டுவருகின்றனர்.