மருதங்கேணி பிரதேச வைத்தியசாலையில் அமைக்கப்பட்டுள்ள கொவிட் -19 சிகிச்சை நிலையத்துக்கு 21 கொரோனா  தொற்றாளர்கள் அனுமதிக்கப்பட்டுள்ளனர்.

மினுவாங்கொடயைச் சேர்ந்த இவர்கள்  வவுனியா தனிமைப்படுத்தல் நிலையத்தில் தங்க வைக்கப்பட்டுள்ள நிலையில்  இவர்களில் 21 பேருக்கு கொரோனா வைரஸ் தொற்றுக்குள்ளாகியமை நேற்று திங்கட்கிழமை  கண்டறியப்பட்டது.

அவர்கள் 21 பேரும்  மருதங்கேணி பிரதேச வைத்தியசாலையில் அமைக்கப்பட்டுள்ள கொவிட் -19 சிகிச்சை நிலையத்தில் நேற்று மாலை சேர்க்கப்பட்டனர்.

 மருதங்கேணி கொவிட் -19 சிகிச்சை நிலையத்தில் 50 பேருக்கு சிகிச்சையளிக்கும் வகையில் படுக்கைகள் உள்ளிட்ட வசதிகள் செய்யப்பட்டுள்ளமை குறிப்பிடத்தக்கது.