தவறவிடாதீர்கள்..!உடனே பதிவு செய்யுங்கள்

வெளிநாடுகளில் தங்கித் தொழில் புரியும் இலங்கை பணியாளர்களை நாட்டுக்கு அழைத்து வரும் நடவடிக்கைகளைத் தற்காலிகமாக இடைநிறுத்தவுள்ளதாக வெளிவிவகார அமைச்சு தெரிவித்துள்ளது.



நாட்டில் நிலவும் கொரோனா வைரஸ் அச்சுறுத்தல் நிலைமையை கருத்திற்கொண்டும், தனிமைப்படுத்தல் நிலையங்களில் காணப்படும் இடவசதி மற்றும் கொரோனா நோயாளிகளுக்கு சிசிச்சை அளிக்க போதுமான இடவசதிகள் வைத்தியசாலைகளில் காணப்படாமை உள்ளிட்ட விடயங்களை கருத்திற் கொண்டுமே மேற்படி தீர்மானம் மேற்கொள்ளப்பட்டுள்ளதாக அமைச்சின் செயலாளர் ஓய்வூப் பெற்ற எட்மிரல் பேராசியர் ஜயநாத் கொலம்பகே தெரிவித்துள்ளார்.

அத்தோடு, வெளிநாடுகளில் இருந்து வரும் இலங்கையர்கள் கட்டாயம் 14 நாட்கள் தனிமைப்படுத்தலுக்கு உட்படுத்தப்பட வேண்டுமெனவும் தெரிவித்துள்ளார். 

மேலும்,  இலங்கைக்கு வர இருந்த பல விமானங்களின் பயண அட்டவணைகளை திருத்தி அமைத்து எதிர்காலத்தில் இலங்கை பணியாளர்களை நாட்டுக்கு அழைத்துவர தீர்மானிக்கப்பட்டுள்ளதாகவும்,
இதுவரையில் வெளிநாடுகளில் தங்கியுள்ள 57 ஆயிரத்திற்கும் அதிகமான இலங்கையர்கள் நாட்டுக்கு வர அனுமதி கோரியுள்ளதாகவும் அவர் தெரிவித்துள்ளார்.