தவறவிடாதீர்கள்..!உடனே பதிவு செய்யுங்கள்

உலக நாடுகளையே ஆட்டங்காண வைத்துள்ள கொரோனா தொற்றால், இந்தியா வெகுவாக பாதிக்கப்பட்டுள்ளது.

இந்நிலையில், கொரோனா பரவல் காரணமாக இந்தியா முழுவதும் கடந்த மார்ச் மாதம் ஊரடங்கு பிறப்பிக்கப்பட்டதில் இருந்து, தற்போது வரை தன்னால் இயன்ற உதவிகளை நடிகர் சோனு சூட் செய்து வருகிறார். 

குறிப்பாக புலம்பெயர் தொழிலாளர்கள் சொந்த ஊர் செல்ல போக்குவரத்துவசதி செய்து கொடுத்தமை, ரஷ்யாவில் சிக்கித்தவித்த தமிழகத்தை சேர்ந்த மருத்துவ மாணவர்கள் தாயகம் திரும்ப விமானம் ஏற்பாடு செய்து தந்தமை, விவசாயிக்கு உழவு இயந்திரங்கள் வாங்கி கொடுத்தமை, ஏழைகளுக்கு உதவி செய்தமை என இவர் செய்த உதவிகள் ஏராளம்.

குறித்த இவ்வுதவிகள் குறித்து பலரது பாராட்டுகளையும் பெற்று வரும் இவரின், மனிதநேயமிக்க சேவையை பாராட்டி, ஐ.நா. மேம்பாட்டு திட்டத்தின் சிறப்பு மனிதநேய செயலுக்கான விருது வழங்கப்பட்டுள்ளது. 

இவ்விருதினை இதற்கு முன், பிரபல கால்பந்து வீரர் டேவிட் பெக்காம், ஹொலிவுட் பிரபலங்களான ஏஞ்சலினா ஜோலி, லியோனார்டோ டிகாப்ரியோ, பொலிவுட் நடிகை பிரியங்கா சோப்ரா ஆகியோர் பெற்றுள்ளமையும் குறிப்பிடதக்கது.