பாகிஸ்தான் திரில் வெற்றி : சொந்த மண்ணில் வீழ்ந்தது இங்கிலாந்து (படங்கள் இணைப்பு)

Published By: Ponmalar

18 Jul, 2016 | 11:32 AM
image

இங்கிலாந்து மற்றும் பாகிஸ்தான் அணிகளுக்கிடையிலான முதலாவது டெஸ்ட் போட்டியில் பாகிஸ்தான் அணி 75 ஓட்டங்களால்  திரில் வெற்றிபெற்றுள்ளது.

285 என்ற வெற்றியிலக்கினை நோக்கி துடுப்பெடுத்தாடிய இங்கிலாந்து அணி 214 ஓட்டங்களுக்கு சுருண்டது.

இந்த போட்டியில் முதலில் துடுப்பெடுத்தாடிய பாகிஸ்தான் அணி தனது முதல் இன்னிங்ஸில் 339 ஓட்டங்களை பெற்றது.

சிறப்பாக துடுப்பெடுத்தாடிய அணித்தலைவர் மிஸ்பா ஹுல் ஹக் 114 ஓட்டங்களை பெற்று டெஸ்ட் போட்டியில் அவரது 10 சதத்தை லோர்ட்ஸ் மண்ணில் பதிவு செய்தார்.

பந்துவீச்சில் கிரிஸ் வோர்க்ஸ் 6 விக்கட்டுகளை கைப்பற்றினார்.

தனது முதலாவது இன்னிங்ஸை தொடர்ந்த இங்கிலாந்து அணி குக் மற்றும் ரூட் மாத்திரம் நிலைத்து ஆட ஏனைய வீரர்கள் சிறப்பாக செயற்பட தவறிவிட்டனர்.

குக் 81 ஓட்டங்களையும், ரூட் 48 ஓட்டங்களையும் பெற்று ஆட்டமிழக்க இங்கிலாந்து அணி முதல் இன்னிங்ஸில் 272 ஓட்டங்களுக்கு சகல விக்கட்டுகளையும் இழந்தது.

பந்துவீச்சில் யசீர் ஷா 6 விக்கட்டுகளை கைப்பற்றியதுடன் 5 வருடங்களுக்கு பின்னர் பாகிஸ்தான் அணியில் இணைந்த பெரிதும் எதிர்பார்க்கப்பட்ட அமீர் 1 விக்கட்டினை மாத்திரம் கைப்பற்றிகார்.

68 ஓட்டங்கள் முன்னிலையில் இரண்டாவது இன்னிங்ஸை தொடங்கிய பாகிஸ்தான் அணி இங்கிலாந்தின் பந்துவீச்சை சமாளிக்க முடியாமல் 215 ஓட்டங்களுக்கு சுருண்டது.

இதில் அஷாட் சபீக் 49 ஓட்டங்களையும், சப்ராஷ் அஹமட் 45 ஓட்டங்களையும் பெற்றனர்.

பந்துவீச்சில் மீண்டும் சிறப்பாக செயற்பட்ட கிரிஸ் வோர்க்ஸ் 5 விக்கட்டுகளை கைப்பற்றினார்.

283 என்ற வெற்றியிலக்கினை நோக்கி துடுப்பெடுத்தாடிய இங்கிலாந்தின் ஆரம்பம் நேர்த்தியாக அமையவில்லை குக் 8, ஹெல்ஸ் 16 மற்றும் ரூட் 9 ஓட்டங்களை பெற்று அணிக்கு ஏமாற்றம் அளித்தனர்.

எனினும் நடுவரிசை துடுப்பாட்ட வீரர்களான வின்ஸ் 42,பெல்லன்ஸ் 43 மற்றும் பெயார்ஸ்டோவ் 48 என ஓட்டங்களை குவித்தாலும் ஏனைய வீரர்கள் சோபிக்காத நிலையில் 207 ஓட்டங்களுக்கு இங்கிலாந்து அணி சுருண்டது.

இதில் யசீர் ஷா 4 விக்கட்டுகளை கைப்பற்றினார்.

இதன் மூலமாக 74 ஓட்டங்களால் பாகிஸ்தான் அணி திரில் வெற்றி பெற்றது.

இந்த போட்டியின் ஆட்டநாயகனாக பாகிஸ்தான் அணியின் யசீர் ஷா தெரிவுசெய்யப்பட்டார். 

முக்கிய செய்திகள்

icon-left
icon-right

தொடர்பான செய்திகள்

news-image

வீராங்கனையை முத்தமிட்ட ஸ்பானிய கால்பந்து சம்மேளன...

2024-03-29 09:43:13
news-image

ரியான் பரக்கின் அதிரடி ராஜஸ்தானை வெற்றிபெறச்...

2024-03-29 00:52:31
news-image

19 வயதின் கீழ் ஆஸி. அணியை...

2024-03-28 20:03:31
news-image

இலங்கை கால்பந்தாட்ட அணி, ஜனாதிபதியை சந்தித்தது

2024-03-28 17:49:42
news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35