கிழக்கு கடற்பரப்பில் தீ விபத்துக்குள்ளான  ‘எம். டி நியூ டயமண்ட்’ கப்பலின் கேப்டன் கொழும்பு கோட்டை நீதிவான் நீதிமன்றில் ஆஜராகியுள்ளார்.

கொழும்பு மேலதிக நீதிவான் நீதிபதி பிரியந்தா லியானகே இன்று (28.09.2020) கேப்டனை நீதிமன்றத்தில் ஆஜராகுமாறு உத்தரவிட்டிருந்தார். குற்றப் புலனாய்வுப் பிரிவினர் மற்றும் சட்டமா அதிபர் திணைக்களத்தின் கோரிக்கையை பரிசீலித்த பின்னரே இந்த உத்தரவு பிறப்பிக்கப்பட்டது.

இதேவேளை கப்பல் உரிமையாளர்களிடம் 340 மில்லியன் ரூபா நட்டஈடு கோரிக்கையொன்றை சட்டமா அதிபர் சமர்ப்பித்திருந்தமை குறிப்பிடத்தக்கது.