கிணற்றடிக்கு முகம் கழுவச் சென்ற நிலையில், மயங்கிச் சரிந்த குடும்பத்தலைவர் ஒருவர் உயிரிழந்துள்ளார்.

குறித்த சம்பவம் தொண்டமனாறு  பகுதியில் இன்று காலை 7 மணியளவில் இடம்பெற்றுள்ளதாக தெரியவருகிறது.  தொண்டமனாறு கடற்கரை வீதியில் வசிக்கும் முல்லைத்தீவைச் சேர்ந்த அன்ரன் ஜோர்ஜ் (வயது-35) 2 பிள்ளைகளின் தந்தையே இவ்வாறு உயிரிழந்துள்ளார்.

கிணற்றடிக்குச் சென்ற அவர் மயங்கிச் சரிந்த நிலையில் காணப்பட்டுள்ளார். அவரை உடனடியாக மந்திகை வைத்தியசாலைக்கு அழைத்துச் சென்ற போதும் அவர் உயிரிழந்துள்ளமை தெரியவந்துள்ளது. 

சடலம் மந்திகை வைத்தியசாலையில் பிரேதப் பரிசோதனைக்காக வைக்கப்பட்டுள்ளதாக தெரியவந்துள்ளது.