முதிரை மரக்குற்றிகளை கடத்திய ஒருவர் கைது

25 Sep, 2020 | 11:52 AM

கிளிநொச்சி பூநகரி பிரதேச செயலகத்துக்கு உட்பட்ட காட்டு பகுதிகளில் சட்டவிரோதமாக முத்திரை குற்றிகளை அறுத்து சூட்சுமமான முறையில் சுத்திகரித்த நீர் போத்தல்களை வினியோகிக்கும் வாகனத்தில் கடத்த முற்பட்டவேளை பூநகரி புலனாய்வு பொலிசாருக்கு கிடைத்த இரகசிய தகவலையடுத்து குறித்த மரக்கடத்தலானது முறியடிக்கப்பட்டுள்ளது.

குறித்த சம்பவமானது இன்று காலை இடம்பெற்றுள்ளதாக பூநகரி புலனாய்வு பொலிசார் தெரிவித்தனர்.

பூநகரி முழங்காவில் ஜெயபுரம் காட்டுப் பகுதியில் இருந்து மரகுற்றிகளை குறித்த வாகனத்தில் ஏற்றி வந்துள்ளதாகவும் பூநகரி பொலிசார் தெரிவித்தவுடன் குறித்த சம்பவம் தொடர்பாக பூநகரி நாலாம் கட்டையை சேர்ந்த இளைஞர் ஒருவர் கைது செய்யப்பட்டுள்ளதுடன் 15 இலட்சம் பெறுமதியான 44 முதிரை குற்றிகள் மற்றும் சுத்திகரித்த நீர் போத்தல்களை வினியோகிக்கும் வாகனம் என்பன கைப்பற்றப்பட்டுள்ளதாக கிளிநொச்சி பூநகரி பொலிசார் தெரிவித்தனர்.