மட்டக்களப்பு ஊறணி பிரதேசத்தில் கைது செய்யப்பட்ட கஞ்சா வியாபாரியை எதிர்வரும் 27 ஆம் திகதிவரை விளக்கமறியல் வைக்குமாறு  மட்டக்களப்பு நீதவான் நீதிமன்ற நீதபதி ஏ.சி.ஏ. றிஸ்வான் நேற்று திங்கட்கிழமை (14) உத்தரவிட்டார்.

பொலிஸ் புலனாய்வு பிரிவுக்கு கிடைத்த தகவலின் அடிப்படையில் சம்பவதினமான கடந்த ஞாயிற்றுக்கிழமை (13) ஊறணி பிரதேசத்தில் கஞ்சா வியாபாரத்தில் ஈடுபட்டுக் கொண்டிருந்தபோது 600 மில்லிக் கிராம் கஞ்சாவுடன் கைது செய்ததுடன். ஆவரிடம் இருந்து மேலும் 2400 மில்லிக் கிராம் கஞ்சாவை மீட்டனர் 

இதில் கைது செய்யப்பட்டவர் பல்வேறு குற்றச் செயல்களில் ஈடுபட்டு கைது செய்யப்பட்டு நீதிமன்றத்தில் பிணையில் வெளிவந்து தலைமறைவாகி இருந்ததாக தெரிவித்த பொலிசார் இவரை நேற்று திங்கட்கிழமை (14) மட்டக்களப்பு நீதவான் நீதிமன்றத்தில் நீதவான் ஏ.சி.ஏ. றிஸ்வான்  முன்னிலையில் ஆஜர்படுத்தப்பட்ட போது அவரை எதிர்வரும் 27ம் திகதிவரை 14 நாட்கள் விளக்கமறியலில் வைக்குமாறு உத்தரவிட்டார்.