தவறவிடாதீர்கள்..!உடனே பதிவு செய்யுங்கள்

திருகோணமலை மாவட்டத்தின் கந்தளாய் பிரதேசத்தில் பல்வேறு திருட்டுச் சம்பவங்களுடன் தொடர்புடைய ஒருவரை இன்று(8) கைது செய்துள்ளதாக கந்தளாய் பொலிஸார் தெரிவிக்கின்றனர்.

கந்தளாய், ஜயந்திகம பகுதியைச் சேர்ந்த 24 வயதுடைய ஒருவரேயே கைது செய்துள்ளதாக பொலிஸார் தெரிவிக்கின்றனர்.

சந்தேக நபர் கந்தளாய், கிண்ணியா மற்றும் அக்போபுர, முள்ளிப்பொத்தானை போன்ற பிரதேசங்களில் பல கடைகளை உடைத்து திருடிய குற்றச்செயல்களுடன் தொடர்புடையவர் எனவும் பொலிஸார் தெரிவிக்கின்றனர்.

சந்தேக நபர் போதைப் பொருளுக்கு அடிமையானவர் என்பதோடு திருட்டு நடவடிக்கைகளில் ஈடுபட்டு வருவதாகவும் சந்தேக நபர் தொடர்பாக பொலிஸாருக்கு கிடைத்த தகவல்களின் அடிப்படையில் கைது செய்துள்ளதாக பொலிஸார் தெரிவிக்கின்றனர்.

சந்தேக நபரை நாளை(9) கந்தளாய் நீதிமன்ற நீதிவான் முன்னிலையில் பொலிஸார் ஆஜர்படுத்த உள்ளனர்.