புத்தளம் பொலிஸ் பிரிவுக்குட்பட்ட புழுதிவாயல் பகுதியில் உள்ள  வாய்க்காலில் இருந்து வயோதிபப் பெண் ஒருவரின் சடலம் நேற்று பிற்பகல் மீட்கப்பட்டுள்ளதாக பொலிஸார் தெரிவித்தனர்.

புத்தளம் பொலிஸாருக்கு கிடைக்கப்பெற்ற தகவலின் பேரில் அங்கு சென்ற பொலிஸார் நீரில் மூழ்கிய நிலையிலிருந்த சடலத்தை மீட்டெடுத்து பிரேத பரிசோதனைக்காக புத்தளம் ஆதார வைத்தியசாலைக்கு அனுப்பியுள்ளதாக பொலிஸார் தெரிவித்தனர்.

நீரில் மூழ்கி மரணமானவர் முந்தல் பொலிஸ் பிரிவுக்குட்பட்ட கணமூலை-குறிஞ்சாவெட்டை பகுதியைச் சேர்ந்த 71 வயதான நான்கு பிள்ளைகளின் தாய் என இனங்காணப்பட்டுள்ளதாகவும். இச்சம்பவம் தொடர்பில் புத்தளம் மற்றும் முந்தல் பொலிஸார் மேலதிக விசாரணைகளை மேற்கொண்டு வருகின்றனர்.