தவறவிடாதீர்கள்..!உடனே பதிவு செய்யுங்கள்

அமெரிக்காவின் கலிபோர்னியாவில் ஏற்பட்டுள்ள காட்டுத் தீயிணை கட்டுப்படுத்தும் செயற்பாடுகளில் ஈடுபட்ட ஹெலிகொப்டர்  விபத்துக்குள்ளாகியதில், விமானி உயிரிழந்துள்ளார்.

'Bell UH-1' என்ற விமானமே இவ்வாறு அந் நாட்டு நேரப்படி புதன்கிழமை காலை 10 மணியளவில் மத்திய கலிபோர்னியாவில், சான் பிரான்சிஸ்கோவிற்கு தெற்கே 160 மைல் (258 கி.மீ) தொலைவில் உள்ள ஃப்ரெஸ்னோ பகுதியில் விபத்துக்குள்ளாகியுள்ளதாக  பெடரல் ஏவியேஷன் நிர்வாக செய்தித் தொடர்பாளர் உறுதிப்படுத்தினார்.

கலிபோர்னியாவில் 72 மணி நேரத்தில் சுமார் 11,000 மின்னல் தாக்குதல் இடம்பெற்றுள்ளது, இதனால் 367 தீப் பிடிப்பு சம்பவங்களும் பதிவாகியுள்ளன. 

இந்த தீ பரவலினால் ஆயிரக் கணக்கான நிலப் பகுதி தீக்கிரையாகியுள்ளதுடன், பல்லாயிரக்கணக்கான மக்கள் தங்கள் வீடுகளை விட்டு வெளியேற வேண்டிய கட்டாயமமும் ஏற்பட்டுள்ளது.