தவறவிடாதீர்கள்..!உடனே பதிவு செய்யுங்கள்

'பாகுபலி' பட புகழ் நடிகர் பிரபாஸ் நடிக்கவிருக்கும் புதிய திரைப்படத்திற்கு 'ஆதி புருஷ்' என பெயரிடப்பட்டு, ஃபர்ஸ்ட் லுக் வெளியாகி இருக்கிறது.

பொலிவுட் நடிகர் அஜய் தேவ்கன் நடிப்பில் வெளியாகி வசூல் ரீதியாகவும் விமர்சன ரீதியாகவும் பெரிய வெற்றியைப் பெற்ற படம் 'தன்ஹாஜி'. இந்தப் படத்தை இயக்கி தயாரித்தவர் ஓம் ராவத். இவரது இயக்கத்தில் தயாராகும் புதிய திரைப்படம் 'ஆதி புருஷ்'. இந்த படத்தில் கதையின் நாயகனாக 'பாகுபலி' பட புகழ் நடிகர் பிரபாஸ் நடிக்கிறார்.

ஹிந்தி மற்றும் தெலுங்கு மொழிகளில் ஒரே தருணத்தில் தயாராகும் இந்த திரைப்படம் முப்பரிமாண கோணத்தில் படமாக்கப்படவிருக்கிறது. இந்த திரைக்காவியம் இந்திய கலாச்சாரத்தின் ஒரு பகுதியை மையமாக கொண்டு உருவாகவிருப்பதாக இயக்குனர் ஓம் ராவத் தெரிவித்திருக்கிறார்.

தமிழ், மலையாளம், கன்னடம் மற்றும் பல வெளிநாட்டு மொழிகளில் டப்பிங் செய்து வெளியிடப்படவிருக்கும் இப்படத்தின் ஃபர்ஸ்ட் லுக் இன்று வெளியாகி இணையத்தில் பெரும் வரவேற்பைப் பெற்று வருகிறது.