இந்தோனேசியாவின் சுமத்ரா தீவிலுள்ள சினாபங் எரிமலை நேற்று வெடித்ததில் சுமார் 5 கிலோ மீட்டர் (3.1 மைல்) தூரம் வரை சாம்பல் துகள்கள் பரவியுள்ளது.

மேலும், இடி முழக்கத்தை வெளிப்படுத்தியது மற்றும் வானத்தை இருட்டாக மாற்றியது என்று அதிகாரிகள் மற்றும் மக்கள் தெரிவித்துள்ளனர்.

எரிமலை வெடித்த வேகத்தில் சாம்பல் துகள்கள் 16,400 அடி உயரத்திற்கு பரவியதாக தெரிவிக்கப்பட்டுள்ளது.

இந்தோனேசியாவில் எந்நேரத்திலும் வெடிக்கக்கூடிய வகையில் 120 எரிமலைகள் உள்ளன. இதில் சினாபங் என்ற எரிமலை அவ்வப்போது வெடித்து அச்சுறுத்தி வருகிறது.

சுமார் 400 ஆண்டுகள் பழைமையானது இந்த மலை, கடந்த 2010-ல் வெடித்து சாம்பலை கக்கியது. அதில் இரண்டு பேர் உயிரிழந்தனர். அதன்பின் எரிமலை வெடித்ததில் 2014-ல் 16 பேர், 2016 7 பேர் உயிரிழந்தனர்.

சினாபங் கடந்த சில நாட்களாக குமுறிக் கொண்டிருந்தது. இதனால் எந்த நேரத்திலும் வெடித்து எரிகுழம்பை கக்கலாம் என்பதால், 5 கிலோ மீட்டர் சுற்றளவில் உள்ள சுமார் 30,000 மக்கள் முன்னெச்சரிகையாக அப்புறப்படுத்தப்பட்டனர்.

இந்நிலையில் நேற்று திடீரென வெடித்து எரிகுழம்பை கக்கியது.