புத்தளத்தில் வாக்குப் பெட்டிகள் விநியோகிக்கும் நடவடிக்கைகள் ஆரம்பம்

Published By: Digital Desk 4

04 Aug, 2020 | 05:05 PM
image

நாளை புதன்கிழமை (05) நடைபெறவுள்ள பாராளுமன்றப் பொதுத் தேர்தலுக்கான வாக்குப் பெட்டிகள் புத்தளம் மாவட்டத்திலுள்ள 421 வாக்களிப்பு நிலையங்களுக்கு, இன்று செவ்வாய்க்கிழமை (04) எடுத்துச் செல்லப்பட்டன.

புத்தளம் சென் அன்ரூஸ் மத்திய கல்லூரி, பாத்திமா மகளிர் கல்லூரி மற்றும் ஸைனப் ஆரம்ப பாடசாலை ஆகியவற்றிலிருந்து குறித்த வாக்குப் பெட்டிகள் மற்றும் வாக்குச் சீட்டுக்கள் என்பன பலத்த பொலிஸ் பாதுகாப்புக்கு மத்தியில் அனுமதியளிக்கப்பட்ட வாகனங்களில் எடுத்துச் செல்லப்பட்டன.

இவ்வாறு வாக்களிப்பு நிலையங்களுக்கு வாக்குப் பெட்டிகளை கொண்டு செல்லும் போது புத்தளம் நகரில் பலத்த பாதுகாப்பு போடப்பட்டிருந்தது. பொலிஸாரும், விஷேட அதிரடிப் படையினரும் நகரமெங்கும் பாதுகாப்பில் ஈடுபடுத்தப்பட்டிருந்தனர்.

புத்தளம் மாவட்டத்தில் உள்ள 5 தேர்தல் தொகுதிகளிலும் இருந்து 8 உறுப்பினர்களை தெரிவு செய்வதற்காக இந்த தேர்தலில் பிரதான அரசியல் கட்சி மற்றும் சுயேட்சைக்குழுக்களை பிரதிநிதித்துவப்படுத்தும் வகையில், 352 வேட்பாளர்கள் போட்டியிடுகின்றனர்.

இம்முறை நடைபெறவுள்ள பாராளுமன்றப் பொதுத் தேர்தலில் புத்தளம் மாவட்டத்தில் 6 இலட்சத்து 17 ஆயிரத்து 370 பேர் வாக்களிக்கத் தகுதி பெற்றுள்ளனர்.

இந்த தேர்தலில் புத்தளம் மாவட்டத்தில் வாக்களிப்பதற்காக 421 வாக்களிப்பு நிலையங்கள் அமைக்கப்பட்டிருப்பதுடன், 88 வாக்கு எண்ணும் நிலையங்களுடன், 10 தபால் வாக்கெண்ணும் நிலையங்களும் அமைக்கப்பட்டுள்ளன.

அத்தோடு, தேர்தல் கடமைகளுக்காக 5800 அரச உத்தியோகத்தர்கள் கடமைகளில் ஈடுபடுத்தப்படவுள்ளனர். அதுதவிர, 1600 இற்கும் அதிகமான பொலிஸ் உத்தியோகத்தர்கள் பாதுகாப்பு கடமைகளில் ஈடுபடுத்தப்படவுள்ளனர்.

இதேவேளை, வன்னியில் நிரந்தர வாக்காளர்களாக தங்களை பதிவு செய்துள்ள வடக்கிலிருந்து இடம்பெயர்ந்து புத்தளத்தில் வாழும் வாக்காளர்கள் 6275 பேர் இம்முறை புத்தளத்தில் வாக்களிப்பதற்காக 12 கொத்தனி வாக்களிப்பு நிலையங்கள் ஏற்படுத்திக்கொடுக்கப்பட்டுள்ளமை குறிப்பிடத்தக்கது.

முக்கிய செய்திகள்

icon-left
icon-right

தொடர்பான செய்திகள்

news-image

பொதுஜன பெரமுனவின் மாவட்ட மகா சம்மேளனம்...

2024-03-29 17:15:52
news-image

இனப்பிரச்சினைக்கு 13 வது திருத்தத்தின் அடிப்படையில்...

2024-03-29 16:52:41
news-image

சிவனொளிபாத மலையிலிருந்து பள்ளத்தில் விழுந்த சுற்றுலா...

2024-03-29 17:02:49
news-image

அநுராதபுரம் திறந்தவெளி சிறைச்சாலையில் இரு கைதிகள்...

2024-03-29 15:55:47
news-image

அதிகார பகிர்வினால் மாத்திரமே பொருளாதார வளர்ச்சி...

2024-03-29 15:40:08
news-image

அம்பாந்தோட்டையில் புதிய சுத்திகரிப்பு நிலையம் சினொபெக்...

2024-03-29 15:29:13
news-image

நுவரெலியாவில் ஆடை தொழிற்சாலை ஊழியர்களின் போராட்டம்...

2024-03-29 14:40:51
news-image

பெரிய வெள்ளியான இன்று மட்டக்களப்பில் திருச்சிலுவைப்...

2024-03-29 14:32:43
news-image

‘யுக்திய’ நடவடிக்கை : இதுவரை பாதாள...

2024-03-29 14:23:33
news-image

பாணந்துறை அடுக்குமாடி குடியிருப்பில் யுக்திய நடவடிக்கை...

2024-03-29 14:28:04
news-image

500 ரூபாய் இலஞ்சம் பெற்ற பொலிஸ்...

2024-03-29 13:14:04
news-image

ஈஸ்டர் தினத்தை முன்னிட்டு 6,837 பொலிஸார்...

2024-03-29 13:52:53