தவறவிடாதீர்கள்..!உடனே பதிவு செய்யுங்கள்

'மக்கள் செல்வன்' விஜய் சேதுபதி நடிப்பில் தயாராகி வரும் 'துக்ளக் தர்பார்' என்ற படத்தின் சிங்கிள் ட்ராக் வெளியாகும் திகதி அறிவிக்கப்பட்டிருக்கிறது.

அறிமுக இயக்குனர் டெல்லி பிரசாத் தீனதயாள் இயக்கத்தில் 'மக்கள் செல்வன்' விஜய் சேதுபதி நடித்து வரும் புதிய திரைப்படம் 'துக்ளக் தர்பார்'. 

இப்படத்தில் விஜயசேதுபதியுடன் அதிதி ராவ் ஹையாத்ரி,  இரா. பார்த்திபன், மஞ்சிமா மோகன், கருணாகரன் உள்ளிட்ட பலர் நடிக்கிறார்கள். 

இயக்குனர் பாலாஜி தரணிதரன் வசனத்தை எழுத, திரைக்கதை அமைத்து இயக்குகிறார் அறிமுக இயக்குனர் டெல்லி பிரசாத் தீனதயாள். 

மனோஜ் பரமஹம்ச ஒளிப்பதிவு செய்யும் இந்த படத்திற்கு,' 96 'பட புகழ் கோவிந்த் வசந்தா இசையமைக்கிறார். 

செவன் ஸ்கிரீன் ஸ்டூடியோஸ் நிறுவனம் சார்பில் தயாரிப்பாளர் லலித்குமார் பிரம்மாண்டமான பொருட்செலவில் இப்படத்தை தயாரிக்கிறார்.

கோவிந்த் வசந்தா இசை அமைத்திருக்கும் இந்த படத்தில் இடம்பெற்றிருக்கும் 'அண்ணாத்தே சேதி..' என தொடங்கும் முதல் சிங்கிள் டிராக், எதிர்வரும் ஓகஸ்ட் மூன்றாம் திகதி திங்கட்கிழமை மாலை 5 மணியளவில் வெளியாகும் என அறிவிக்கப்பட்டிருக்கிறது.

இதனிடையே இந்தப்படத்தில் 'மக்கள் செல்வன்' விஜய் சேதுபதி அரசியல்வாதியாக நடிக்கிறார் என்பது குறிப்பிடத்தக்கது.