தவறவிடாதீர்கள்..!உடனே பதிவு செய்யுங்கள்

மேற்கு ஆபிரிக்க நாடான மாலியின் தலைநகர் பமாகோவில் இருந்து 100 கிலோ மீற்றர் தூரத்திலுள்ள உள்ள கனாகாபா என்ற நகரில் கோர விபத்தொன்று இடம்பெற்றுள்ளது.

கனாகாபா நகரில் இருந்து பயணிகளை ஏற்றிக்கொண்டு சென்ற பஸ் வண்டியொன்றே குறித்த விபத்தில் சிக்கியுள்ளது. பஸ்ஸில் 30 க்கும் மேற்பட்ட பயணிகள் பயணித்துள்ளனர்.

நெடுஞ்சாலையில் பயணித்துக்கொண்டிருந்த குறித்த பஸ் திடீரென சாரதியின் கட்டுப்பாட்டை இழந்தது. இதனால் வீதியின் நடுவே இருந்த தடுப்பு சுவரை உடைத்துக்கொண்டு எதிர்த்திசையில் பாய்ந்து எதிரே வந்த லொறியின் மீது குறித்த பஸ் நேருக்கு நேர் மோதி விபத்திற்குள்ளாகியுள்ளது.

இந்த கோர விபத்தில் பஸ்சில் இருந்த பெண்கள், குழந்தைகள் உட்பட 19 பேர் சம்பவ இடத்திலேயே பலியாகினர். மேலும் 12 பேர் பலத்த காயமடைந்த நிலையில் வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.