நாட்டில் இன்றையதினம் செவ்வாய்க்கிழமை 175 கொரோனா தொற்றாளர்கள் குணமடைந்துள்ளதாக சுகாதார அமைச்சு தெரிவித்துள்ளது.

இதுவே இலங்கையில் அதிகமாகவர்கள் ஒரேநாளில் குணமடைந்த சந்தர்ப்பமாகும். 

இவர்களில்,  130 பேர் கந்தகாடு புனர்வாழ்வு மத்திய நிலையத்திலிருந்தும், 22 பேர் பனாகொட இராணுவ வைத்தியசாலையிலிருந்தும், 13 பேர் காத்தாக்குடி வைத்தியசாலையிலிருந்தும், 6 பேர் அங்கொடை தொற்று நோய் வைத்தியசாலையிலிருந்தும், வெலிக்கடை வைத்தியசாலை  மற்றும் இரணவில வைத்தியசாலையிலிருந்தும் தலா 2 பேரும், பூரண குணமடைந்து வெளியேறியுள்ளனர் என சுகாதார அமைச்சின் தொற்றுநோயியல் பிரிவு தெரிவித்துள்ளது.

அதன்படி இலங்கையில் கொரோனா தொற்றிலிருந்து குணமடைந்தோர் எண்ணிக்கை 2,296 ஆக உயர்வடைந்துள்ளது.

இதேவேளை, இலங்கையில் 2,805 பேருக்கு கொரோனா தொற்று உறுதிப்படுத்தப்பட்டுள்ள நிலையில், அதில் 498 பேர்  வைத்தியசாலையில் தங்கி சிகிச்சைபெற்று வருகின்றனர்.

அத்துடன் 65 பேர் கொரோனா தொற்று சந்தேகத்தில் வைத்திய கண்காணிப்பில் உள்ளனர். இலங்கையில் கொரோனா தொற்றுக்குள்ளான 11 பேர் இதுவரை உயிரிழந்துள்ளமை குறிப்பிடத்தக்கது.