தவறவிடாதீர்கள்..!உடனே பதிவு செய்யுங்கள்

அங்கொடை ஐ.டி.எச். வைத்தியசாலையில்  சிகிச்சைபெற்று வந்த நிலையில் இன்று காலை வைத்தியசாலையிலிருந்து தப்பியோடியவருக்கு கொரோனா தொற்று உறுதிசெய்யப்பட்டுள்ளதாக பொலிஸ் பேச்சாளர் தெரிவித்துள்ளார்.

போதைக்கு அடிமையாகிய நிலையில் கந்தக்காடு புனர்வாழ்வு நிலையத்தில் புனர்வாழ்வு பெற்று வந்த கைதி  திருகோணமலை சீனன்குடா, மாபிள் பீச் ரோட்டைச் சேர்ந்த முகமட்  ஹசிம் முகமட் நசீம் என்பவரே அங்கொட வைத்தியசாலையில் இருந்து இவ்வாறு தப்பிச்சென்றுள்ளார்.

இந்நிலையில் குறித்த சந்தேகநபரை கண்டுப்பிடிப்பதற்காக பொதுமக்களின் உதவியை பொலிஸார் கோரியுள்ளனர்.

குறித்த சந்தேக நபரின் இடது கால் ஊனமுற்ற நிலையிலும், நடைபயிற்சி செய்யும் போது அவரது கால் முடங்கிப்போயுள்ளதாகவும் பொலிஸார் அடையாளப்படுத்தியுள்ளனர்.

சந்தேக நபரை அடையாளம் கண்டால் 0718591017, 0718592290, 0718591864 அல்லது 119 என்ற  தொலைபேசி இலக்கங்களுக்கு தொடர்பினை மேற்கொண்டு தகவல் தருமாறு பொலிஸார் பொதுமக்களிடம் கோரிக்கை விடுத்துள்ளனர்.

இந்நிலையில் தப்பிச்சென்றவரின் ஒளிபடத்தையும் அவர்தொடர்பான விபரங்களையும் சமூக வலைத்தளங்களில் பதிவிட்டு பொதுமக்களின் உதவியை பொலிஸார் கோரியுள்ளமை குறிப்பிடத்தக்கது.