தவறவிடாதீர்கள்..!உடனே பதிவு செய்யுங்கள்

லுணுகலை நகரில் ஐந்நூறு ரூபா போலி நாணயத்தாள் ஒன்றுடன் நபரொருவரை லுணுகலை பொலிசார் இன்று (16-07-2020) கைது செய்துள்ளனர்.

குறித்த நபர் லுணுகலை நகரில் வங்கியொன்றிற்கு சென்று பண வைப்பீடு செய்துள்ளார். 

அப்பணம் வங்கி கணக்கெடுப்பு இயந்திரத்திற்குள் போடப்பட்டதும் போலி ஐந்நூறு ரூபா நோட்டு கண்டு பிடிக்கப்பட்டது.

இதையடுத்து வங்கி உத்தியோகஸ்த்தர்கள் பொலிசாருக்கு தகவல் வழங்கிய நிலையில் லுணுகலை பொலிஸ் நிலையப் பொறுப்பதிகாரி தலைமையிலான குழுவினர் விரைந்து குறித்த நபரைக் கைது செய்துள்ளனர்.

இதையடுத்து அவரிடமிருந்த போலி ஐந்நூறு ரூபா நோட்டையும் கைப்பற்றியுள்ளனர்.

இந்நிலையில் கைதுசெய்யப்பட்ட நபரை விசாரணையின் பின்னர் பதுளை நீதவான் நீதிமன்றத்தில் ஆஜர் செய்யவுள்ளதாக பொலிசார் தெரிவித்தனர்.