தவறவிடாதீர்கள்..!உடனே பதிவு செய்யுங்கள்

வாகன விபத்து தொடர்பான குற்றச்சாட்டின் கீழ் கைதுசெய்யப்பட்ட இலங்கை கிரிக்கெட் அணி வீரர் குசல் மெண்டீஸ் பிணையில் விடுவிக்கப்பட்டுள்ளார்.

பாணந்துரை நீதிவான் நீதிமன்றில் இன்று காலை ஆஜர்படுத்தப்பட்ட நிலையிலேயே அவர் ஒரு மில்லியன் ரூபா பிணையில் விடுவிக்கப்பட்டுள்ளார்.

பாணந்துறை வடக்கு பொலிஸ் பிரிவுக்குட்பட்ட பழைய காலி வீதி - ஹொரேதுட்டுவ பகுதியில் நேற்று ஞாயிற்றுக்கிழமை அதிகாலை 5 மணியளவில் கார் ஒன்று பாதசாரதி மீது மோதி விபத்து ஏற்பட்டுள்ளதாக பொலிஸாருக்கு கிடைக்கப்பெற்ற தகவலுக்கமைய விசாரணைகள் ஆரம்பிக்கப்பட்டிருந்தன.

இதன்போது மொரட்டுவ பகுதியிலிருந்து பாணந்துறை நோக்கிச் சென்ற கார் பாதசாரதி மீது மோதியுள்ளதுடன் , படுகாமடைந்த பாதசாரதி பாணந்துறை வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.

பாணந்துறை வடக்கு பகுதியைச் சேர்ந்த 64 வயதுடைய நபரொருவரே இவ்வாறு உயிரிழந்துள்ளதுடன் , விபத்து தொடர்பில் காரின் சாரதியான கிரிக்கட் வீரர் குசல் மெண்டீஸ் கைது செய்யப்பட்டுள்ளார்.

குசல் மெண்டீஸ் விபத்து ஏற்படும் போது மதுபோதையில் இருந்துள்ளாரா ? என்பதை கண்டறிவதற்காக அவரது இரத்தமாரிகள் பரிசோதிக்கப்பட்டதுடன், பாணந்துரை பொலிஸார் அவரை கைதுசெய்திருந்தனர்.

எனினும் விபத்தின்போது மெண்டீஸ் மதுபானம் எதையும் உட்கொள்ளவில்லை என மருத்துவ அறிக்கையில் உறுதிப்படுத்தப்பட்டது.