கொரோனா வைரஸ் பரவல் காரணமாக பல நாடுகளிலும் சிக்கித் தவிக்கும் இலங்கையர்களை மீண்டும் நாட்டுக்கு அழைத்துவரும் நடவடிக்கைகள் முன்னெடுக்கப்பட்டு வருகின்றன.

இந்நிலையில் மாலைதீவில் சிக்கித்தவித்த 120 பேர் விசேட விமானம் மூலம் நாட்டுக்கு அழைத்து வரப்பட்டுள்ளனர்.

ஸ்ரீலங்கன்  ஏயார் லைன்ஸிற்கு சொந்தமான, விசேட விமானம் மூலம் குறித்த 120 பேரும் மாலைதீவிலிருந்து அழைத்து வரப்பட்டுள்ளனர். 

இன்று குறித்த விமானம், 120 இலங்கையர்களுடன் கட்டுநாயக்க விமான நிலையத்தில் தரையிறங்கியுள்ளது.

இவ்வாறு அழைத்துவரப்பட்டவர்களுக்கு விமான நிலையத்தில் வைத்து பி.சி.ஆர். பரிசோதனைகள் முன்னெடுக்கப்படவுள்ளமை குறிப்பிடத்தக்கது.