பிரான்ஸின் புதிய பிரதமராக, ஜீன் காஸ்டெக்ஸ் பொறுப்பேற்கவுள்ளதாக அந்நாட்டு ஜனாதிபதி இமானுவேல் மெக்ரோன் அறிவித்தார்.

பிரான்ஸின் பிரதமராக பதவி வகித்த 49 வயதுடைய, எட்வர்ட் பிலிப், கொரோனா வைரஸுக்கு எதிரான நடவடிக்கைகளில், முறையாக செயல்படவில்லை என்ற கருத்து நிலவுகிறது. 

இந்நிலையில், கடந்த இரு மாதங்களில் அந்நாட்டு மக்களுக்கு, முகக்கவசம் மற்றும் மருத்துவ உபகரணங்களில் பற்றாக்குறை ஏற்பட்டதுடன், பரிசோதனைகளும் முறையாக நடைபெறவில்லை என்ற முறைப்பாடுகளும் எழுந்துள்ளன.

இதையடுத்து 28 ஆம் திகதி நடைபெற்ற உள்ளாட்சி தேர்தலில் பிரான்ஸ் ஜனாதிபதி இமானுவேல் மெக்ரோன் தலைமையிலான அரசு, நாட்டின் அனைத்து பகுதிகளிலும் தோல்வியைத் தழுவியது. 

இதனால், பிரதமர், எட்வர்ட் பிலிப், நேற்று முன்தினம், தனது பதவியை ராஜினாமா செய்தார். 

இதையடுத்து வைரஸ் பிரச்சினையில், தீவிர நடவடிக்கைகளை மேற்கொண்ட, 55 வயதுடைய ஜீன் காஸ்டெக்ஸ், புதிய பிரதமராக பொறுப்பேற்பார் என பிரான்ஸ் ஜனாதிபதி இமானுவேல் மெக்ரோன் அறிவித்தார்.

இதுகுறித்து, பிரான்ஸ் ஜனாதிபதி மேலும் தெரிவிக்கையில்,

எங்கள் ஆட்சியில், மீதமுள்ள இரண்டு ஆண்டுகளில், நாட்டின் பொருளாதாரத்தை புதிய வளர்ச்சி பாதையில் கொண்டு செல்வதற்கான, நடவடிக்கைகள் மேற்கொள்ளப்படவுள்ளன. கடந்த மூன்றாண்டுகளாக, எட்வர்ட் பிலிப் மேற்கொண்ட நடவடிக்கைகளை, நான் பாராட்டுகிறேன். எனத் தெரிவித்துள்ளார்.