Published by T. Saranya on 2020-07-03 13:14:13
கொழும்பு துறைமுக ஊழியர்களின் தொடர் பணிப்பகிஷ்கரிப்பு இடைநிறுத்தப்பட்டது.
நேற்று முன்தினம் புதன்கிழமை முதல் இவர்கள் பணி பகிஷ்கரிப்பில் ஈடுபட்டு வந்த நிலையில் இவ்விடயம் குறித்து பிரதமர் மஹிந்த ராஜபக்ஷ உடனான கலந்துரையடலின் பின் இடைநிறுத்தப்பட்டுள்ளதாக தொழிற்சங்கங்கள் அறிவித்துள்ளது.
3 பளுதூக்கிகளையும் கிழக்கு முனையத்தில் பொருத்தி, பணிகளை ஆரம்பிக்குமாறு ஏற்கனவே கோரப்பட்டுள்ளது. எனினும் அதற்கு தீர்வேதும் வழங்காதமையாலேயே புதன்கிழமை 3 ஊழியர்கள் பளுதூக்கியின் மீதேறி எதிர்ப்பை வெளியிட்டனர்.
இந்த விடயம் குறித்து நடைபெற்ற பேச்சுவார்த்தையும் தோல்வியடைந்ததாகத் தெரிவிக்கப்பட்டது.
கடந்த அரசாங்க காலத்தில் சீனாவில் இருந்து கொண்டுவரப்பட்ட 3 பளுதூக்கிகள் கொழும்பு துறைமுகத்தை வந்தடைந்தன. இந்த பளுதூக்கிகளை கிழக்கு முனையத்தில் பொருத்த வேண்டும் என தொழிற்சங்கங்கள் தெரிவிக்கின்றன. எனினும் அதற்கு இதுவரை அனுமதி கிடைக்கவில்லை.
இந்நிலையில், பிரதம் மஹிந்த ராஜபக்ஷவுடன் இடம்பெற்ற கலந்துரையடலின் பின் பணிப்பகிஷ்கரிப்பு இடைநிறுத்தப்பட்டுள்ளதுள்ளமை குறிப்பிடத்தக்கது.
