தவறவிடாதீர்கள்..!உடனே பதிவு செய்யுங்கள்

பொதுத் தேர்தலுக்கான வாக்குச்சீட்டுக்களை அச்சிடும் பணிகள் தொடர்ந்து இடம்பெறுவதுடன் , ஏழு மாவட்டங்களுக்கான வாக்குச்சீட்டுக்களை அச்சிடும் நடவடிக்கைகள், முடிவடையும் நிலையில் உள்ளதாக,  அரச அச்சக ஆணையாளர், கங்கானி கல்பணா லியனகே தெரிவித்தார்.

வாக்குச்சீட்டுக்கள் அச்சிடும் பணி நிறுத்தப்பட்டுள்ளதாக தெரிவிக்கப்படும் செய்தி தொடர்பாக, கருத்து தெரிவிக்கையிலேயே, அவர் இதனைக் குறிப்பிட்டார்.

வாக்குச்சீட்டுக்கள் அச்சிடும் பணி நிறுத்தப்பட்டிருப்பதகாக , சமூக வலைத்தளங்களில், செய்திகள் வெளியிடப்பட்டு வருகின்றன.

அந்த செய்திகளில் எந்தவித உண்மையும் இல்லை.

வாக்குச்சீட்டுக்களை அச்சிடும் நடவடிக்கைகள் தொடர்ந்து இடம்பெற்று வருகின்றன.

அதன் பிரகாரம் பொதுத் தேர்தலுக்கான, 7 மாவட்டங்களுக்கான வாக்குச்சீட்டுக்கள், தற்போது  அச்சிடப்படுகின்றன.

அதில் இரண்டு மாவட்டங்களுக்கான வாக்குச்சீட்டுக்கள் அச்சிட்டு முடிவடைந்திருக்கின்றன.

 தேர்தலுக்கு தேவையான இதர பத்திரங்களை அச்சிடும் நடவடிக்கைகள் முடிவடைந்திருக்கின்றன.

தேர்தல் இடம்பெறும் திகதியை குறிப்பிட்டு, அச்சிடவேண்டிய பத்திரம் மாத்திரமே, தற்போது அச்சிடவேண்டி இருக்கின்றது.

அச்சிட்டு முடிக்கப்படும் மாவட்டங்களுக்கான வாக்குச்சீட்டுக்களை உரிய முறையில், தயார் படுத்திய பின்னரே தேர்தல்கள் ஆணைக்குழுவுக்கு கையளிக்க நடவடிக்கை எடுப்போம் என்றார்.