இந்தியாவின் தெலுங்கானா மாநிலத்தில் 120 அடி ஆழ்துளை கிணற்றுக்குள் தவறி விழுந்த 3 வயது சிறுவனை மீட்கும் பணிகள் தீவிரமாக மேற்கொள்ளப்பட்டு வருகிறது.

Telangana, Borewell, death,
ஆழ்துளை கிணறு, தெலுங்கானா, சிறுவன்

இந்தியாவின் தெலுங்கானா மாநிலம் மேடக் மாவட்டம் பப்பன்னாபேட் மண்டலில், கோவர்தன் என்பவரின் 3 வயது மகன் ஷாய் வர்தன். 

தனது தந்தை மற்றும் தாத்தாவுடன் நேற்று விவசாய நிலத்தில் நடந்து சென்ற போது, தவறுதலாக மூடப்படாத ஆழ்துளை கிணற்றுக்குள் விழுந்து விட்டதாக தெரிவிக்கப்படுகிறது.

latest tamil news

முதலில் 25 அடியில் சிக்கியிருந்த சிறுவனை மீட்கும் முயற்சியில் ஈடுபட்ட போது, மண் சரிவு ஏற்பட்டதால், குழந்தை கீழிறங்கியது.

இதனையடுத்து குழந்தையை மீட்கும் பணிகள் தொடர்ந்து இடம்பெற்று வருகின்றன. 

இந்நிலையில் ஐதராபாத்திலிருந்து தேசிய பேரிடர் மீட்புக் குழுவினர்  குறித்த பகுதிக்கு விரைந்து மீட்பு பணிகளில் ஈடுபட்டுள்ளனர்

குழந்தை சுவாசிக்க ஒக்சிஜன் செலுத்தப்படுகிறது. பக்கவாட்டில் பள்ளம் தோண்டி, குழந்தையை மீட்கும் முயற்சியும் நடந்து வரும் நிலையில் 2வது நாளாக இன்றும் மீட்பு பணிகள் மேற்கொண்டுள்ளமை குறிப்பிடத்தக்கது.