இலங்கையில் கொரோனா தொற்றாளர்களின் எண்ணிக்கை 760 ஆக அதிகரித்துள்ளதுடன் கொரோனா தொற்றிலிருந்து குணமடைந்தவர்களின் எண்ணிக்கையும் 213 ஆக உயர்வடைந்துள்ளது.

இந்நிலையில் இன்று மேலும் 5 கொரோனா தொற்றாளர்கள் அடையாளம் காணப்பட்டுள்ளதாக சுகாதார சேவைகள் பணிப்பாளர் வைத்தியர் அனில் ஜாசிங்க தெரிவித்துள்ளார்.

கொரோனா தொற்று உறுதிப்படுத்தப்பட்டுள்ள 554 பேர் வைத்தியசாலைகளில் தங்கி சிகிச்சைபெற்று வருகின்றனர்.

145 பேர் கொரோனா தொற்று சந்தேகத்தில் வைத்திய கண்காணிப்பில் வைக்கப்பட்டுள்ளனர்.

இதேவேளை நாட்டில் கொரோனா தொற்றுக்குள்ளான மேலும் 16 பேர் பூரண குணமடைந்துள்ளனர். 

இதன் மூலம் கொரோனா தொற்றுக்குள்ளாகி குணமடைந்தவர்களின் எண்ணிக்கையும் 213 ஆக உயர்வடைந்துள்ளதாக சுகாதார அமைச்சு மேலும் தெரிவித்துள்ளது.

அத்துடன் இன்று அடையாளம் காணப்பட்ட 5 கொரோனா தொற்றாளர்களில் 4 பேர் இலங்கை கடற்படையினர் என சுகாதார சேவைகள் பணிப்பாளர் அனில் ஜாசிங்க மேலும் தெரிவித்தார்.

இதேவேளை, இன்றையதினம் கொரோனா தொற்றுக்குள்ளான பெண்ணொருவர் உயிரிழந்துள்ள நிலையில் கொரோனா தொற்றுக்கு இலக்காகி இலங்கையில் உயிரிழந்தவர்களின் எண்ணிக்கை 9 ஆக உயர்வடைந்துள்ளமை குறிப்பிடத்தக்கது.