தவறவிடாதீர்கள்..!உடனே பதிவு செய்யுங்கள்

சீனாவின் வுஹான் ஆய்வகத்திலிருந்துதான் கொரோனா வைரஸ் பரவியது என்பதற்கு ஏராளமான முக்கிய ஆதாரங்கள் இருப்பதாக அமெரிக்க வெளியுறவுத்துறை அமைச்சர் மைக் பொம்பியோ குற்றம் சாட்டியுள்ளார்.

சீனாவின் வுஹான் நகரில் இருக்கும் ஆய்வகங்களில் இருந்து கொரோனா வைரஸ் பரவியதற்கு ஏராளமான முக்கிய ஆதாரங்கள் இருக்கின்றன எனத் தெரிவித்துள்ள அமெரிக்க வெளியுறவுத்துறை அமைச்சர் மைக் பொம்பியோ, கொரோனா வைரஸ் மனிதர்களால் உருவாக்கப்படவில்லை என குறிப்பிட்டுள்ளார்.

 அமெரிக்க உளவுத்துறை கூறும் கருத்தில் நான் முரண்படவில்லை. ஆனால், பல சிறந்த மருத்துவ ஆய்வாளர்கள் இந்த வைரஸ் மனிதர்களால் உருவாக்கப்பட்டது என தெரிவிப்பதை நம்பாமல் இருக்கவும் முடியவில்லை. 

கொரோனாவினால் ஏற்பட்ட பாதிப்பின் அளவை சீனா மறைத்துள்ளது. அதனால்  ஏற்படக்கூடிய ஆபத்தையும் சீனா மறைத்துள்ளதென குறிப்பிட்டுள்ள மைக்பொம்பியோ சீனா மருந்துகளை இரகசியமாக சேமித்துள்ளதெனவும் குறிப்பட்டுள்ளார்.

வுஹானில் இருக்கும் ஆய்வகங்கள் அனைத்தும் சர்வதேசத் தரத்துக்கு இணையாக இல்லாதவை, தரம் குறைந்தவை, போதுமான அளவு சுத்தம் இருக்காது. இந்தக் காரணங்களால் வைரஸ் அங்கிருந்து பரவியிருக்கலாம் எனத் தெரிவித்துள்ளார்.