தவறவிடாதீர்கள்..!உடனே பதிவு செய்யுங்கள்

அடுத்த 2021 ஆம் ஆண்டுக்குள் கொரோனா வைரஸ் தொற்று நோயை கட்டுப்பாட்டுக்குள் கொண்டு வரமுடியாத நிலை ஏற்பட்டால் டோக்கியோ ஒலிம்பிக் போட்டி இரத்து செய்யப்படும் என டோக்கியோ ஒலிம்பிக் போட்டி ஏற்பாட்டு குழுத்தலைவரான  அந்த போட்டி ஏற்பாட்டு அமைப்பு குழு தலைவர் யொஷிரோ மோரி தெரிவித்துள்ளார்.

கொரோனா வைரஸ் தாக்கத்தினால் ஒலிம்பிக் போட்டியை ஒத்தி வைக்க வேண்டும் என்று பல நாடுகள் கொடுத்த அழுத்தத்தை தொடர்ந்து டோக்கியோ ஒலிம்பிக் போட்டி ஒரு ஆண்டு காலத்துக்கு ஒத்திவைக்கப்பட்டு,  அடுத்தாண்டு 2021  ஜூலை 23 ஆம் முதல் ஆகஸ்டு 8 ஆம் திகதி வரை நடைபெறும் என்று கடந்த மாதம் (மார்ச்) அறிவிக்கப்பட்டது.

எனினும், இந்த தொற்று நோய்க்கான மருந்து  இதுவரை கண்டுப்பிடிக்கப்படாததால், வேகமாக பரவும் இந்த நோயை கட்டுப்படுத்த முடியாமல் பல நாடுகள் திணறி வருகிறது. இதனால்,டோக்கியோவில் அடுத்த ஆண்டுக்கு ஒத்திவைக்கப்பட்ட ஒலிம்பிக் போட்டி திட்டமிட்டபடி நடைபெறுமா? என்ற கேள்வி எழுந்துள்ளது.

இதுகுறித்து டோக்கியோ ஒலிம்பிக் போட்டி ஏற்பாட்டு குழுத் தலைவர் யொஷிரோ மோரியிடம் கூறுகையில்,

“கொரோனா வைரஸ் அச்சுறுத்தல் அடுத்த ஆண்டும் தொடர்ந்தால் டோக்கியோ ஒலிம்பிக் போட்டியை 2022 ஆம் ஆண்டு வரை தாமதப்படுத்த வாய்ப்பில்லை. அடுத்த ஆண்டுக்குள் கொரோனா பாதிப்பை கட்டுப்பாட்டுக்குள் கொண்டு வர முடியாத நிலைமை ஏற்பட்டால் டோக்கியோ ஒலிம்பிக் போட்டி இரத்து செய்யப்படும். முன்பு போர் காலத்தில் மட்டுமே போட்டிகள் இரத்து செய்யப்பட்டிருந்தன. ஆனால் தற்போது கண்ணுக்கு தெரியாத எதிரியுடன் (கொரோனா) மோதுகிறோம். கொரோனா வைரஸை வெற்றிகரமாக கட்டுப்படுத்திவிட்டால், அடுத்த கோடையில் நாங்கள் ஒலிம்பிக் போட்டியை அமைதியாக நடத்துவோம்" என்று தெரிவித்தார்.