தவறவிடாதீர்கள்..!உடனே பதிவு செய்யுங்கள்

'லொக் டவுன்' என்ற பெயரில் தயாராகி இருக்கும் குறும்படத்தின் மூலம், கண்ணதாசனின் பேரனான ஆதவ் கண்ணதாசன் இயக்குனராகியிருக்கிறார்.

கண்ணதாசனின் மகன் கலைவாணன் கண்ணதாசனின் வாரிசான ஆதவ் கண்ணதாசன், 'பொன்மாலை பொழுது' என்ற படத்தின் மூலம் தமிழ் திரையுலகில் நடிகராக அறிமுகமானார். அதன்பிறகு 'யாமிருக்க பயமேன்' என்ற படத்திலும் நடித்திருந்தார். தற்போது பகை மற்றும் காளிதாஸ் என்ற படத்திலும் நடித்துவருகிறார்.

தற்போது இவர் இயக்குனராகியிருக்கிறார். 'லொக் டவுன்' என்ற பெயரில் தயாராகியிருக்கும் குறும்படத்தை இவர் இயக்கியிருக்கிறார். இந்த குறும்படத்தில் நடிகை ஆண்ட்ரியா கதையின் நாயகியாக நடித்திருக்கிறார். இந்த குறும் படம் முழுக்க முழுக்க  ஐபோன் மூலம் படமாக்கப்பட்டது என்பது இதன் சிறப்பம்சம். விரைவில் வெளியாகவிருக்கும் இந்த படத்தின் ஃபர்ஸ்ட் லுக் தற்போது வெளியாகி வரவேற்பை பெற்று வருகிறது.