தவறவிடாதீர்கள்..!உடனே பதிவு செய்யுங்கள்

தமிழில் வித்தியாசமான நடிகர் என்று பெயரெடுத்தவர் மக்கள் செல்வன் விஜய் சேதுபதி.  இவர் சிரஞ்சீவி நடித்த 'சைரா நரசிம்ம ரெட்டி' என்ற படத்தின் மூலம் தெலுங்கில் அறிமுகமானார்.

அதனைத்தொடர்ந்து சிரஞ்சீவியின் உறவினரான வைஷ்ணவ் தேஜ் கதாநாயகனாக அறிமுகமாகும் 'உப்பென்னா' என்ற படத்தில் வில்லனாக நடித்திருக்கிறார். படம் வெளியாகும் முன்பே இப்படத்தின் தமிழ் ரீமேக் உரிமையை வாங்கி இருக்கிறார் விஜய் சேதுபதி.

இது குறித்து அவருக்கு நெருக்கமான வட்டாரத்தில் விசாரிக்கும் பொழுது, இந்த படத்தில் விஜய் சேதுபதி வில்லனாகவும், புகைப்பிடிக்கும் காட்சிகளிலும் நடித்திருப்பதால் இந்தப் படத்தை தமிழில் டப்பிங் செய்து வெளியிட்டால் தன்னுடைய புகழுக்கு பாதகம் ஏற்படும் என்பதால், இதன் தமிழ் ரீமேக் உரிமையை வாங்கி இருக்கிறார் என்றும், இப்படத்திற்காக பேசப்பட்ட சம்பளத்தை கொடுக்காத படத் தயாரிப்பு நிறுவனம், அதற்கு ஈடாக ரீமேக் உரிமையை கொடுத்திருப்பதாகவும் தெரிவிக்கிறார்கள். இந்த தெலுங்கு படத்தின் தமிழ் ரீமேக் உரிமையை வேறு ஒரு தயாரிப்பாளருக்கு மாற்றவோ அல்லது வேறு ஒரு தயாரிப்பாளருடன் இணைந்து முதல் பிரதி அடிப்படையில் விஜய்சேதுபதியே தயாரிக்கக் கூடும் என்றும் திரையுலகினர் தெரிவிக்கிறார்கள்.

இது தொடர்பான அதிகாரப்பூர்வமான அறிவிப்பு இந்தியாவின் ஊரடங்கு உத்தரவு தளர்த்தப்பட்ட பிறகு வெளியாகும் என்று எதிர்பார்க்கப்படுகிறது.

ஆர்ட் சினிமா, கொமர்ஷல் சினிமா என இரண்டு சினிமாவிலும் ஏககாலத்தில் தன் ஆதிக்கத்தை செலுத்தி, அழுத்தமான முத்திரையை பதித்து வரும் இவர், தமிழைத் தவிர வேறு மொழிகளிலும் கடந்த ஆண்டு முதல் நடிக்கத் தொடங்கியிருக்கிறார். மலையாளம், தெலுங்கு ஆகிய மொழிகளில் நடித்திருக்கும் விஜய் சேதுபதி, விரைவில் முன்னணி பொலிவுட் நடிகர் அமீர்கான் நடிப்பில் ஹிந்தியிலும் நடிக்க ஒப்பந்தமாகியிருக்கிறமை குறிப்பிடத்தக்கது.