மத்திம வயதுக்காரர்களை அச்சுறுத்தும் “அதிறோஸ்கிளிறோஸிஸ்”

17 Apr, 2020 | 04:02 PM
image

இன்று coronary heart disease எனப்படும் இதய பாதிப்பு மற்றும் மாரடைப்பு ஏற்படுவது அதிகரித்து வருகிறது.

இதற்கு அதிறோஸ்கிளிறோஸிஸ் (Atherosclerosis) என்ற இதய பெருந்தமனி ரத்த நாளம் இயல்பான அளவை விட கூடுதலாக தடிமனடைவதே காரணம் என்கிறார்கள் மருத்துவர்கள்.

அதிலும் குறிப்பாக மத்திம வயதுகாரர்களுக்கு இத்தகைய பாதிப்பு அதிகமாக ஏற்படுவதாகவும் மருத்துவ நிபுணர்கள் தெரிவிக்கிறார்கள். 

எம்மில் பலருக்கு நெஞ்சு வலி, பலவீனம், தலைச்சுற்றல், தோள்பட்டை வலி, சுவாசித்தலில் கோளாறு போன்ற அறிகுறிகள் ஏற்பட்டால், உடனடியாக மருத்துவர்களை சந்தித்து ஆலோசனைப் பெறவேண்டும்.  உரிய நேரத்தில் கவனியாது இருந்தால் மாரடைப்பை ஏற்படுத்தக்கூடும். 

அதிறோஸ்கிளிறோஸிஸ் எனப்படும் இத்தகைய பாதிப்பு, மத்திம வயதுகாரர்களான 40 வயது முதல் 50 வயது கொண்ட அனைவருக்கும், அதிக அளவில் ஏற்படுவதாக ஆய்வில் கண்டறியப்பட்டுள்ளது.

இதனை தற்காத்துக்கொள்ள வேண்டும் என்றால் 18 வயதுக்கு மேற்பட்ட ஆண்களும், பெண்களும் நான்காண்டுகளுக்கு ஒரு முறை இதய பாதிப்பை ஏற்படுத்தும் கெட்ட கொழுப்பான எல்டிஎல் கொலஸ்ட்ராலின் அளவு குறித்தும், இதய பாதிப்பை தடுக்கும் ஆற்றல் கொண்ட நல்ல கொழுப்பான ஹெச்.டி. எல் கொலஸ்ட்ராலின் அளவு குறித்தும் முறையான பரிசோதனையை மேற்கொள்ள வேண்டும்.

இத்தகைய பரிசோதனையின் முடிவில் நாளடைவில் அதிறோஸ்கிளிறோஸிஸ் எனப்படும் இதய பாதிப்பு ஏற்படுமா? இல்லையா? என்பதை துல்லியமாக அவதானித்து, அதனை தடுப்பதற்குரிய சிகிச்சையை எடுத்துக் கொள்ளலாம் என்று மருத்துவர்கள் அறிவுறுத்துகிறார்கள்.

புகை பிடிப்பதை தவிர்க்க வேண்டும். நீரிழிவு நோயாளிகள், தங்களது ரத்த சர்க்கரையின் அளவை கட்டுக்குள் வைத்திருக்க வேண்டும், உடல் எடை அதிகமானவர்கள் மற்றும் உடல் பருமன் உடையவர்கள், எச்சரிக்கையுடன் உடல் எடையை குறைத்து, கட்டுப்பாட்டிற்குள் வைத்துக்கொள்ள வேண்டும்.

ஆரோக்கியமான, சமச்சீரான ஊட்டச்சத்துள்ள உணவை சாப்பிட வேண்டும். அத்துடன் பரம்பரை காரணமாக உங்களது குடும்ப உறுப்பினர்களுக்கு இத்தகைய பாதிப்பு இருந்தால். உரிய காலத்தில் பரிசோதனை மேற்கொண்டு, இத்தகைய பாதிப்பு ஏற்படாத வண்ணம் தற்காத்துக் கொள்ள வேண்டும்.

வைத்தியர் துர்கா தேவி

முக்கிய செய்திகள்

icon-left
icon-right

தொடர்பான செய்திகள்

news-image

பியோஜெனிக் கிரானுலோமா எனும் பாதிப்புக்குரிய நவீன...

2025-02-15 18:38:50
news-image

நாக்டூரல் மஸுல் கிராம்ப்ஸ் எனும் இரவு...

2025-02-13 15:44:09
news-image

ஸ்பொண்டிலோலிஸ்டெஸிஸ் எனும் முதுகெலும்பில் ஏற்படும் பாதிப்பிற்கான...

2025-02-12 17:05:03
news-image

14,0000க்கும் மேற்பட்ட மாற்றுத்திறனாளி குழந்தைகள், குடும்பங்களுக்கு...

2025-02-12 14:15:17
news-image

பிறந்த பச்சிளம் குழந்தைகளுக்கு ரத்த சர்க்கரை...

2025-02-11 16:32:15
news-image

நுரையீரலில் ஏற்படும் பாதிப்பை கண்டறியும் நவீன...

2025-02-10 16:08:05
news-image

பெர்குடேனியஸ் ட்ரான்ஸ்லுமினல் கரோனரி ஓஞ்சியோபிளாஸ்ரி எனும்...

2025-02-08 16:28:44
news-image

மீண்டும் மீண்டும் ஏ என் ஏ...

2025-02-08 11:08:22
news-image

தனி பிரிவாக வளர்ச்சி அடைந்து வரும்...

2025-02-06 18:23:31
news-image

புளித்த ஏப்பம் எனும் பாதிப்பிற்கான நிவாரண...

2025-02-05 17:36:36
news-image

புளூரல் எஃபியூஸன் எனும் நுரையீரலில் ஏற்படும்...

2025-02-03 16:01:24
news-image

தோள்பட்டை வலிக்கு உரிய நிவாரண சிகிச்சை

2025-02-01 20:35:14