கூகுள் நிறுவனம் லொகேஷன் டேட்டா (Location Data) என்றழைக்கப்படும் பயனர்கள் இருக்கும் இடங்கள் பற்றிய தகவல்களை பகிரங்கப்படுத்தவுள்ளது.

கொவிட்-19 தொற்றை அடுத்து, பல்வேறு நாடுகள் சமூக இடைவெளி பேண முனைகின்ற வேளையில், இம்முயற்சிகளுக்கு உதவி செய்வது கூகுள் நிறுவனத்தின் நோக்கமாகும்.


எனவே, உலகெங்கிலும் 131 நாடுகளில் பயனர்களின் நகர்வுகள் பற்றிய அறிக்கைகள் பிரத்தியேக இணையத்தளமொன்றில் பகிரங்கப்படுத்தப்படும் என கூகுள் நிறுவனம் அறிவித்துள்ளது.

இந்நிலையில், பூங்காக்கள், கடைகள், வீடுகள், வேலைத் தளங்கள் போன்றவற்றுக்கு பயனர்கள் செல்வது குறைந்துள்ளதா, அதிகரித்துள்ளதா என்பதை கூகுள் நிறுவனம் பகிரங்கப்படுத்தும் என்பதும் முக்கிய அம்சமாகும்.