உலகையே ஆட்டிப்படைக்கும் கொரோனா தொற்றுக்கான தடுப்பு மருந்தை உருவாக்கும் பணிகள் தற்போது அமெரிக்காவில் நடைமுறைப்படுத்தப்பட்டு வருகிறது.

மனிதர்கள் மீது கொரோனாவுக்கான தடுப்பு மருந்தை பரிசோதித்துப் பார்க்கும் பணிகள் அங்கு ஆரம்பிக்கப்பட்டுள்ளது. இதன் முதல் கட்டமாக நேற்று பெண்மணியொருவருக்கு குறித்த தடுப்பூசி ஏற்றப்பட்டு பரிசோதனை மேற்ககொள்ளப்பட்டது. 

இந்த தடுப்பு மருந்து கொரோனா வைரஸ் தொற்றை உருவாக்காது. ஆனால் கொரோனா வைரஸின் மரபணு குறியீட்டைப் பிரதி எடுத்து இந்த புதிய தடுப்பு மருந்து உருவாக்கப்பட்டுள்ளது. இதனால் இந்த தடுப்பு மருந்து செலுத்தப்படும் மனிதர்களுக்கு எந்த தீங்கும் ஏற்படாது என தெரிவிக்கப்படுகின்றது.

இத்தடுப்பு மருந்தும், இதேபோல உலகின் பல்வேறு நாடுகளில் உருவாக்கப்பட்டு வரும் ஏனைய தடுப்பு மருந்துகளும், கொரோனா வைரஸை குணப்படுத்துமா என்பதை அறிய இன்னும் சில மாதங்கள் ஆகலாம் என நிபுணர்கள் தெரிவிக்கின்றனர்.

இந்நிலையில், சியாட்டில் நகரைச் சேர்ந்த இரண்டு குழந்தைகளுக்குத் தாயான 43 வயது பெண்மணியிடம், இந்த புதிய கொரோனா தடுப்பு மருந்து முதன்முதலாகப் பரிசோதிக்கப்பட்டுள்ளது.

``கொரோனை வைரஸை தடுக்க என்னால் முடிந்த ஒரு உதவியைச் செய்துள்ளேன்`` என அந்த பெண்மணி தெரிவித்துள்ளமையும் குறிப்பிடத்தக்கது.