தவறவிடாதீர்கள்..!உடனே பதிவு செய்யுங்கள்

தேர்தல் காய்ச்சல் பரவத் தொடங்கிய மறு­க­ணமே, நாட்டில் கொரோனா வைரஸ் தொற்றும் ஏற்பட்டுள்­ளது. இப்­போது பாராளுமன்றத் தேர்தல் குறித்­தான பர­பரப்பை விட கொரோனா பற்­றிய அச்சமும் பதற்ற­முமே நாட்டு மக்­களை கடுமை­யாக ஆட்­கொண்­டுள்­ளது. தேர்தல் திட்­ட­மிட்­ட­படி நடக்கும் என கூறப்பட்டாலும், இதே நிலை­மைகள் தொட­ரு­மாக இருந்தால் வாக்­க­ளிப்பு பிற்­போ­டப்­ப­டுமோ என்ற சந்­தே­கமும் எழாமலில்லை.

‘சீனத் தயா­ரிப்­புக்கள் நீண்­ட­காலம் பாவிக்­கா­தவை’ என்ற பொது­வான அபிப்­பி­ராயம் இருந்­தது. ஆனால், இந்த வைரஸ் மட்டும் இரண்­டரை மாதங்­க­ளாக கண்­டங்கள் கடந்து பரவி இன்னும் வீரி­யத்­துடன் இருக்கக் காண்­கின்றோம். “கடை­சியில் நமது மர­ணமும் ‘மேட் இன் சைனா’ என்­றா­கி­ வி­டுமோ?” என்ற வினா­வுடன் சமூக வலைத்­த­ளங்­களில் பகி­ரப்­படும் நகைச்­சுவைக் கருத்­துக்­க­ளுக்குப் பின்னால் பெரிய சோகமும் உயிர் பயமும் இருப்­ப­தா­கவே தெரிகின்றது.

இது வெறும் தொற்­றுநோய் மட்­டும்­தானா அல்­லது உயி­ரியல் யுத்­தமா அல்­லது அதி­கார மற்றும் மருத்­துவ வியா­பா­ரத்தின் பரி­சோ­தனைக் குழா­யாக இவ்­வு­ல­கத்தை யாரோ மாற்­றி­யி­ருக்­கின்­றார்­களா என்று அடுக்­க­டுக்­காக நிறைய கேள்­விகள் எழு­கின்­றன. ஆனால், இந்த வைரஸ் எதி­லி­ருந்து உரு­வா­கி­யது என்­பதை மிகத் துல்­லி­ய­மாக கண்­ட­றிய முடி­யாது. இன்னும் உலகம் தடு­மாறிக் கொண்­டி­ருப்­பதால் இதற்­கான தடுப்பு மருந்­து­களை கண்­ட­றி­வதில் தாம­தங்கள் ஏற்­பட்­டுள்­ளன. அவ்­வாறு தாம­திக்கும் ஒவ்­வொரு நாளிலும் உயிர்­களை நாம் இழந்து கொண்­டி­ருக்­கின்றோம்.  

120 நாடு­களில் பரவல்

உல­கெங்கும் உள்ள 120 இற்கும் மேற்பட்ட நாடு­களில் இன்று கொரோனா வைரஸ் அச்­சு­றுத்தல் நில­வு­கின்­றது. அதா­வது குறைந்­தது இந்த நாடு­களில் ஒரு­வ­ரா­வது இவ்­வைரஸ் தாக்­கத்­திற்­குள்­ளா­கி­யுள்ளார் என்ற சந்­தே­கத்தில் வைத்­தி­ய­சா­லை­களில் சிகிச்சை பெற்று வரு­கின்­றனர். இதன்­படி இந்த கட்­டுரை எழு­தப்­படும் வரை 134,559 பேர் கொரோனா தொற்று பரி­சோ­த­னைக்கு உட்­ப­டுத்­தப்­பட்­டுள்­ளனர். சுமார் 40 நாடு­களைச் சேர்ந்த 4,972 பேர் இந்த நிமிடம் வரை உயி­ரி­ழந்­துள்­ளனர்.

கொரோ­னாவின் பிறப்­பி­ட­மான சீனாவில் அதிக மர­ணங்­களும் அதற்கு அடுத்த இடத்தில் இத்­தாலி, ஈரான், ஸ்பெயின், தென்­கொ­ரியா, பிரான்ஸ், ஜப்பான், அமெ­ரிக்கா, ஐக்­கிய இராச்­சியம் போன்ற நாடு­களும் உள்­ளன. ஆகவே, ஆசி­யாவில் தொடங்கி இலங்கை தொட்டு மேற்­கு­லகம் வரை கொரோனா வைரஸால் மக்கள் பாதிக்­கப்­பட்­டுள்­ளனர். ஆனால் சில நாடுகள் உண்மைத் தர­வு­களை மறைக்கப் பார்க்கின்­றனர்.

‘பூகோள­ம­ய­மாக்­கலில் உலகம் ஒரு கிரா­ம­மாக சுருங்கி விட்­டது’ என்­பார்கள். உண்­மைதான் அந்த வகையில் ஒரு கிரா­மத்தில் நோய் பர­வு­வது போல இன்று இத்­தொற்று கண்­டங்கள் கடந்து பரவக் காண்­கின்றோம். பூகோள­ம­ய­மாக்­கலின் ஒரு பக்­க­வி­ளை­வா­கவும் இதை கருதலாம் எனத் தோன்­று­கின்­றது.

இந்­நி­லை­யி­லேயே, உலக சுகா­தார ஸ்தாபனம் கொரோனா வைரஸை ‘பென்­டமிக்’ வைர­ஸாக பிர­க­ட­னப்­ப­டுத்­தி­யுள்­ளது. இதன் அர்த்தம் ‘உல­க­ளவில் பரவும் தன்­மை­யு­டை­யது’ என்­ப­தாகும். கொரோனா அல்­லது கொவிட்-19 ரக வைரஸ் தொற்றின் பார­தூரத் தன்­மையை உணர்த்­து­வ­தாக இது காணப்­ப­டு­கின்­றது.

உலகில் நூற்­றுக்கு மேற்­பட்ட நாடுகளில் பல்­லா­யி­ரக்­ க­ணக்­கானோர் உரிய சிகிச்­சையால் குண­ம­டைந்­தி­ருக்­கின்­றார்கள் என்­பதும், இலங்­கையில் அதிர்ஷ்­ட­வ­ச­மாக மர­ணங்­களோ அதிகப்ப­டி­யான நோயா­ளர்­களோ பதி­வா­க­ வில்லை என்­ப­துமே இலங்­கையர் என்ற வகையில் நமக்­கி­ருக்­கின்ற ஒரே­யொரு ஆறு­த­லாகும். ஆனால் முறை­யான முற்­த­டுப்பு மற்றும் மருத்­துவ சிகிச்­சை­க­ளி­லேயே இந்த ஆறுதல் நிலைத்­தி­ருக்­குமா இல்­லையா என்ற விடயம் தங்­கி­யுள்­ள­தெனலாம்.

சமூக விளை­வுகள்

கொரோனா வைரஸ் தாக்கம் காரணமாக உலக நாடு­களில் உயி­ரி­ழப்­புக்கும் அப்­பா­லான வேறு பல எதிர்­வி­ளை­வுகள் ஏற்­பட்­டி­ருக்­கின்­றமை கவ­னிப்­பிற்­கு­ரி­யது. உலகில் திடீ­ரென பொரு­ளா­தார நட­வ­டிக்­கை­களில் ஸ்தம்­பி­தமும் மந்­தமும் ஏற்­பட்­டி­ருக்­கின்­றது. வளர்ச்­சி­ய­டைந்து வரும் நாடு­களில் இந்தப் பாதிப்பு அதி­கரித்து வரு­கின்­றது. பூகோள­ம­ய­மாக்கல் தொழிற்­பாடு கிட்­டத்­தட்ட முடங்­கி­யுள்­ளது என்றும் கூறலாம்.

பெயர் குறிப்­பிட்டு சொல்லக் கூடிய பல நாடுகள் முற்­றாக விமான சேவை­களை இடை­நி­றுத்­தி­யுள்­ளன. பாடசா­லைகள், வியா­பார மையங்கள் மற்றும் மக்கள் கூடும் இடங்கள் மறு அறி­வித்தல் வரை மூடப்­பட்­டுள்­ளன. சுற்று­லாத்­துறை கடு­மை­யாக வீழ்ச்­சி­ய­டைந்­துள்­ளது. வெளி­நாட்டுத் தொடர்­புகள் முடங்­கி­யுள்­ளன. குறிப்­பாக, மக்கள் மனங்களில் ஒரு­வித பதற்­றமும் பர­ப­ரப்பும் நிம்­ம­தி­யின்­மையும் குடி­கொண்­டுள்­ளது. இந்த அறி­கு­றி­களில் சில இலங்கை­யிலும் தென்­ப­டு­கின்­றன.

அது­மட்­டு­மன்றி, ஆரம்­பத்தில் ‘மாஸ்க்’ எனப்­படும் முக­ம­றைப்புத் துணிக்கே தட்டுப்­பாடு ஏற்­பட்­டது. தற்­போது பல நாடு­களில் மல­சல கூட தாள்கள் தொடக்கம் அத்­தி­யா­வசிய உணவுப் பொருட்கள் வரை திடீர் தட்­டுப்­பாடு ஏற்­பட்­டுள்­ளது. அன்­றாடப் பாவனைப் பொருட்­களின் விலைகள் மட்­டு­மன்றி வாக­னங்கள் போன்ற ஆடம்­பரப் பொருட்களின் விலை­களும் அதி­க­ரிக்­கலாம் என்று அனுமானிக்கப்படுகின்றது.

இலங்­கை­யிலும் மக்கள் பொருட்­கொள்­வ­ன­வுக்­காக முண்­டி­ய­டிப்­பதைக் காண முடி­கின்­றது. சீனா போன்ற பெரிய விநி­யோகச் சந்­தைகள் மூடப்­பட்­டுள்ள நிலையில், எதிர்­காலம் பற்­றிய நிச்­ச­ய­மின்­மையால் சந்­தையில் ஏற்­பட்ட திடீர் கேள்­வியை சமா­ளிக்க முடி­யாமல் சிறிய வளர்­முக நாடு­களின் உள்­நாட்டு சந்­தைகள் தடு­மாறத் தொடங்கியிருக்கின்றன.

சீனாவின் உற்­பத்தி

கொரோனா வைரஸ் சீனாவின் வுஹான் மாநி­லத்தில் 2019 டிசம்பர் கடைசி வாரத்தில் அடை­யாளம் காணப்­பட்­டது. அங்கு எல்லா வகை­யான உயி­ரி­னங்­களின் இறைச்­சி­க­ளையும் எவ்­வித கட்­டுப்­பாடும் இன்றி விற்­பனை செய்யும் மாமிச சந்­தையில் இருந்தே இந்த வைரஸ் பர­வி­யி­ருக்­கலாம் என்று அனு­மா­னிக்­க­ப் ப­டு­கின்­றது. ஆனாலும் உறு­தி­யாக எதி­லி­ருந்து தோற்றம் பெற்­றது எனத் தெரி­யாத கார­ணத்­தி­னா­லேயே இன்று வரை உரிய தடுப்பு மருந்தை கண்­டு­பி­டிப்­பது சாத்­தி­ய­மற்­ற­தா­கி­யி­ருக்­கின்­றது.

கொரோனா வைரஸ் என்­பது கொரோனா குடும்­பத்தைச் சேர்ந்த இன்­னு­மொரு வைர­ஸாக இனங்­கா­ணப்­பட்­டுள்­ள­துடன் ‘கொவிட்-19’ எனப் பெய­ரி­டப்­பட்­டுள்­ளது. இது விலங்­கி­லி­ருந்து மனி­த­னுக்கு பர­வி­ய­துடன், மனி­த­னி­லி­ருந்து மனி­த­னுக்கு பரவும் ஆற்றல் கொண்­ட­தாக காணப்­ப­டு­வ­தாக உலக சுகா­தார ஸ்தாபனம் குறிப்­பிட்­டுள்­ளது.  

உலக வர­லாற்றில் இதற்கு முன்னர் பல வைரஸ், கிருமி அல்­லது நோய்த் தொற்­றுக்கள் ஏற்­பட்­டுள்­ளன. இதனால் பல இலட்­சக்­க­ணக்­கான மக்கள் உயிரிழந்தும் இருக்­கின்­றார்கள். இலங்­கை­யிலும் இவ்­வா­றான நோய்கள் முன்­னைய காலங்­களில் உயிர்ப்­பலி எடுத்திருக்கின்றன. குறிப்­பாக கொரோ­னா­வுக்கு நெருக்கமான சார்ஸ், கெமல்­புளு போன்ற தொற்­று­நோய்­க­ளுக்கு  கடந்த சில வருடங்­க­ளுக்குள் உலகம் முகம் கொடுக்க நேரிட்டது.

திட்­ட­மிட்ட நட­வ­டிக்­கையா?

இந்தப் பின்­ன­ணியில் கொரோனா வைரஸ் பற்றி வேறு சில சந்­தேகங்­க­ளையும் உலக அவ­தா­னிகள் வெளியிட்டு வரு­கின்­றனர். கொரோனா அல்­லது கொவிட்-19 என்­பது ஒரு வைரஸ் என்­பதில் சந்­தே­கங்கள் எது­வு­மில்லை. அதற்கு முறை­யான முற்த­டுப்பும் மருத்­துவ சிகிச்­சை­யுமே மருந்து என்­ப­திலும் மாற்றுக் கருத்­துக்கள் இல்லை. ஆனால், கொரோனா தற்­செ­ய­லாக பர­வி­யதா அல்­லது வேறு உள்­நோக்­கங்­க­ளுக்­காக திட்­ட­மிட்டு பரப்­பப்­பட்­டுள்­ளதா என்ற கேள்­விதான் அவ­தானி­க­ளுக்கு ஏற்­பட்­டி­ருக்­கின்­றது.

அதா­வது, இயற்­கை­யாக அல்­லது தற்­செ­ய­லாக பர­வு­கின்ற தொற்­று­நோய்கள், கிரு­மிகள் ஒரு­பு­ற­மி­ருக்க, செயற்­கை­யாக பரப்­பப்­ப­டு­கின்ற நோய்­களும் உலகில் அதி­க­ரித்­துள்­ளன. ஒரு நோய்க்கு மருந்து கொடுத்து, அதி­லி­ருந்து இன்­னு­மொரு நோயை உரு­வாக்கி அதற்கும் மருந்து கண்­டு­பிடித்து விற்­பனை செய்யும் ஒரு மாபியா வர்த்தகம் நடந்து கொண்­டுதான் இருக்கின்­றது.

மருத்­துவம் என்­பது எப்­போதும் இலாபம் உழைத்துத் தரும் வர்த்­த­கமாக கரு­தப்­படும் நிலையில், மருந்­துகள் உல­கெங்கும் விற்­பனை செய்­வ­தற்­கா­கவே சில நோய்கள் திட்­ட­மிட்டு உருவாக்­கப்­ப­டு­வ­தாக உலக அவ­தா­னிகள் கூறக் கேட்­டி­ருக்­கின்றோம். எனவே கொவிட்-19 வைரஸும் அவ்­வகை சார்ந்த ஒரு முயற்­சியா என்ற கேள்­வியும் எழு­கின்­றது.

அதேபோல், முன்­னைய காலங்­களில் யுத்த தள­வா­டங்கள் மற்றும் ஆயு­தங்­களைப் பயன்­ப­டுத்தி பல யுத்­தங்கள் இடம்­பெற்­றன. அதன்­பின்னர் அணு­வா­யுதம் கண்­டு­பி­டிக்­கப்­பட்­ட­துடன் அணு­வா­யுத மோதல்­களை குறிப்­பிட்ட சில நாடுகள் மேற்­கொண்டு வரு­கின்­றன. இதற்­கி­டையில் உயி­ரியல் யுத்தம் இடம்­பெறும் என்ற வகை­யி­லான எதிர்­வு­கூ­றல்­களை பல வரு­டங்­க­ளாக முன்­னரே ஆராய்ச்­சி­யா­ளர்கள் முன்­வைத்து வருகின்ற நிலையில், ஆங்­காங்கே இவ்­வகை ஆயு­தங்கள் பயன்­ப­டுத்­தப்­ப­டு­வ­தா­கவும் தக­வல்கள் வெளி­யா­கின்­றன.

அந்த வகையில், கொரோனா வைரஸும் ஒரு­வகை உயி­ரியல் ஆயுதம் என்ற கருத்தும் முன்­வைக்­கப்­ப­டு­கின்­றது. சனத்­தொகை குறைப்பு, பொரு­ளா­தார சீர­ழிவு மற்றும் வேறு சில உள்­நோக்­கங்­க­ளுக்­காக மனி­தனால் உரு­வாக்­கப்­பட்­டதே இந்த கொவிட்-19 என ஒரு சில முக்­கிய ஆய்­வா­ளர்கள் கூட கூறி­யி­ருக்­கின்­றனர். ஆனால், அதை மறு­த­லித்து இது இயல்­பா­கவே உரு­வான வைரஸ் என்­பதை மீண்டும் மீண்டும் வலி­யு­றுத்தும் கருத்துக்­களும் முன்­வைக்­கப்­ப­டு­கின்­றன.  

எதிர்­வு­கூ­றிய நாவல்

இந்த இடத்தில் ஒன்றை குறிப்­பிட்டாக வேண்டும். பிர­பல அமெ­ரிக்கா எழுத்­தா­ள­ரான டீன் கூன்ற்ஸ் 1981ஆம் ஆண்டில் எழு­திய ‘தி ஐயிஸ் ஒஃப் டார்க்னஸ்’ (இருட்டின் கண்கள்) என்ற நாவலில் கொரோனா வைரஸ் போன்ற ஒரு வைரஸ் பற்றி குறிப்­பிட்­டுள்­ளமை இப்­போது உலக அரங்கில் வியப்பை ஏற்ப­டுத்­தி­யுள்­ளது.

அதில் டொம்பே கதா­பாத்­தி­ரத்தின் மர­ணத்­திற்­கான காரணம் ஒரு­வித வைரஸ் எனவும் அந்த வைரஸ் சீனாவின் வுஹான் மாநி­லத்தில் உரு­வா­கி­யது எனவும் அதன் பெயர் ‘வுஹான்-400’ எனவும் குறிப்­பி­டப்­பட்­டுள்­ளது. கொரோ­னா­வுக்கு ஏற்­படும் அதே நோய்­ அ­றி­கு­றி­களே ‘வுஹான்-400’ இற்கும் ஏற்­படும் என சொல்­லப்­பட்­டுள்­ளது. வுஹான் மாநிலத்தின் டீ.ஆர்.என்.ஏ. ஆய்­வு­கூடத்தில் உரு­வாக்­கப்­பட்ட ஒரு புதிய உயி­ரியல் ஆயு­த­மான இது உல­கெங்கும் பரவி பெரும் அழிவை உண்­டு­பண்ணும் என்றும் இந்த நாவலில் உரை­யா­டல்கள் தொடர்­கின்­றன.

அது­மட்­டு­மன்றி, ‘இந்த தொற்று 2020ஆம் ஆண்­ட­ளவில் ஏற்­படும்’ என்றும் இதில் எதிர்வு கூறப்­பட்­டுள்­ளது. (இந்த பந்­தியை மட்டும் இணையப் பிரதியில் காண முடி­ய­வில்லை). இதனை வைத்து நோக்­கும்­போது மேலே குறிப்­பிட்ட சந்­தேகம் சற்று வலுப்­பதை தவிர்க்க முடி­யா­துள்­ளது.

அதா­வது, ஒன்றில் இந்த வைரஸ் போன்­ற­தொரு வைரஸ் முன்­னைய காலங்­க­ளிலும் மக்­களை பாதித்­துள்­ளது. அல்­லது, ‘வுஹான் 400’ என்ற வைரஸ் உரு­மாற்றம் செய்­யப்­பட்டு அல்­லது மீள்­பெ­ய­ரி­டப்­பட்டு இப்போர் பரப்­பப்­ப­டு­வ­தாக இருக்க வேண்டும். ஆனால் இவை­யெல்லாம் அனு­மா­னங்­களும் கணிப்­புக்­க­ளுமே என்­பதை வாச­கர்கள் நினைவிற்கொள்ள வேண்டும்.

பதற்றம் வேண்டாம்

இதே­வேளை, கொரோனா வைரஸ் பற்றி பதற்­ற­ம­டையத் தேவை­யில்லை என்றும், இது ஒரு சாதா­ரண வைரஸ் போன்­றதே என்றும், தேவை­யற்ற விதத்தில் மக்­க­ளுக்கு அச்­ச­மூட்­டப்­ப­டு­வதா­கவும் துறைசார் செயற்­பாட்­டா­ளர்கள் அபிப்­பி­ரா­யப்­ப­டு­வ­தாக தெரி­கின்­றது. ஆனால், இவ்­வ­ளவு வேகத்தில் ஒரு குறிப்­பிட்ட வைரஸ் 120 இற்கு மேற்­பட்ட நாடு­க­ளுக்கு பர­வு­வதும் அது இன்னும் கட்­டுப்­பாட்­டுக்குள் வரா­ததும் சாதா­ர­ண­மான விட­ய­மல்ல என்­ப­துடன், அந்த வைரஸின் வீரி­யத்­தையும் உணர்த்­து­வ­தாக இருக்­கின்­றது.

எனவே, இது உயி­ரியல் யுத்­த­மாக இருந்­தாலும், மருத்­துவ வியா­பார யுக்தி­யாக இருந்­தாலும், செயற்­கை­யாக திட்­ட­மிட்டு பரப்­பப்­ப­டு­வ­தாக இருந்­தாலும், பொரு­ளா­தார மற்றும் அதி­கார மோத­லுக்­கான கரு­வி­யாக 'கொவிட்-19' பயன்­ப­டுத்­தப்­பட்­டாலும் அல்­லது இதற்குப் பின்னால் வேறு மறை­க­ரங்கள் இருக்­கின்­றது என்­றாலும்….. எது எப்­ப­டி­யி­ருந்­தாலும் இப்­போ­தைக்கு இது மனி­தனில் இருந்து மனி­த­னுக்கு பரவக்கூடிய ஆபத்­தான வைரஸ் என்ற அடிப்­படையிலேயே நட­வடிக்கைகளை எடுக்க வேண்டியுள்­ளது.

இலங்கை நிலை­வரம்

இலங்­கையைப் பொறுத்­த­வரை இது­வரை மூன்­று பேர் கொரோனா தொற்­றுக்கு உள்­ளா­ன­வர்­க­ளாக அடை­யாளம் காணப்­பட்­டுள்­ளனர். இதில் முத­லாமவர் சீனப் பெண் ஆவார். மற்­றைய இரு­வரில் ஒருவர் சுற்­றுலா வழி­காட்­டியும் அவ­ரது உத­வி­யா­ளரும் ஆவார்கள். இந்தப் பின்­ன­ணியில் உள்­நாட்டில் 'கொவிட்-19' வைரஸ் பர­வு­வதை தடுப்பதற்கு முற்­காத்துக் கொள்­வ­தற்கும் அர­சாங்கம் பல்­வேறு நட­வ­டிக்­கை­களை எடுத்­தி­ருக்­கின்­றது.

நாடு­க­ளுக்­கிடையிலான விமானப் போக்கு­வ­ரத்து இடை­நி­றுத்­தப்­பட்­டுள்­ள­துடன், வேறு பல நாடு­களிலிருந்து உள்­வரும், வெளிச் ­செல்லும் பய­ணி­க­ளுக்கு பல கட்­டுப்­பா­டுகள் விதிக்­கப்­பட்­டுள்­ளன. குறிப்­பாக ஈரான், இத்­தாலி, தென்­கொ­ரியா நாடு­களிலிருந்து வந்த நூற்­றுக்­ க­ணக்­கானோர் கந்­தக்­காடு மற்றும் மட்டக்­க­ளப்பு புனா­ணையில் உள்ள தனியார் பல்­க­லைக்­க­ழகம் ஆகி­ய­வற்றில்  தங்க வைக்­கப்­பட்டு பரி­சோ­த­னை­க­ளுக்கு உட்­ப­டுத்­தப்­பட்டு வரு­கின்­றனர்.

அரச பாட­சா­லை­க­ளுக்கும் தனியார் வகுப்­புக்­க­ளுக்கும் விடு­முறை வழங்­கப்­பட்­டுள்­ளன. கிறிஸ்­தவ மதப் பாட­சா­லை­க­ளையும் இஸ்­லா­மிய மார்க்க போதனை மையங்­க­ளையும் தற்­கா­லி­க­மாக மூடு­மாறு கோரிக்கை விடுக்­கப்­பட்­டுள்­ளது. பொதுக் கூட்­டங்கள் தடை செய்­யப்­பட்­டுள்­ள­துடன், நாட்டில் குறிப்­பிட்ட சில வைத்­தி­ய­சா­லை­களில் விஷேட கொரோனா தடுப்புப் பிரி­வுகள் ஸ்தாபிக்­கப்­பட்­டுள்­ளன.  ஆனால், பெரும்­பான்மை மக்கள் எதிர்ப்பு தெரி­வித்­த­தை­ய­டுத்து தென்­னிலங்­கையில் நோய்த்­த­டுப்பு முகாம்­களை அமைக்கும் திட்­டத்தை கைவிட்ட அர­சாங்­க­மா­னது மட்­டக்­க­ளப்­பிற்கும் பொல­ன்ன­று­வைக்கும் முகாம்­களை கொண்டு வந்­தமை எதிர்ப்­ப­லை­களை ஏற்­ப­டுத்­தி­யுள்­ளன,  உண்­மையில், பெரும் செலவில் கட்டப்­பட்­டுள்ள ஒரு பல்­க­லைக்­கழகத்தை அதற்­காக பயன்­ப­டு­த்தாமல் சன­சஞ்­சாரம் குறை­வான ஒரு இடத்தை அர­சாங்கம் தெரிவு செய்­தி­ருக்க வேண்டும். ஆயினும், இன்று கொரோனா நம்மை நோக்கி பர­வு­கின்ற வேகத்தைப் பார்த்தால் இத­னை­யெல்லாம் கடந்து சிந்­திக்­கவும் செயற்­ப­டவும் வேண்­டிய ஒரு இக்­கட்­டான நிலையில் நாம் இருக்­கின்றோம்.  ஆனால், பாட­சா­லை­களை மூடி­யுள்ள அர­சாங்கம் தொழில்­நுட்ப கல்­லூ­ரிகள் மற்றும் தொழிற்­ப­யிற்சி நிலையங்களை இந்த நிமிடம் வரை மூடவில்லை. அதேவேளை, கொரோனா வைரஸின் பிறப்பிடமான சீனா இருக்கின்ற நிலையில், “சீனாவில் நோய் கட்டுப்பாட்டுக்குள் வந்திருப்பதால் அந்நாட்டவருக்கு தடை அவசியமில்லை” என்று அரசாங்கம் கூறியிருக்கின்ற காரணம் சிறுபிள்ளைத்தனமாக தெரிகின்றது. அத்துடன், இலங்கை எந்தளவுக்கு சீனாவின் ‘கட்டுப்பாட்டுக்குள்’ இருக்கின்றது என்பதையும் குறிப்புணர்த்துகின்றது எனலாம்.

இவ்வாறு அரசாங்கம் ஒருபக்கம் நோய்த்தடுப்பு நடவடிக்கைகளை எடுத்துக் கொண்டிருப்பது மகிழ்ச்சியே. அதற்காக உழைக்கும் உத்தியோகத்தர்கள் நன்றிக்குரியவர்களும் கூட. ஆனால் நாட்டில் பொதுவாக மக்களிடையே ஒருவித பதற்றமும் தொற்றுநோய் அச்சமும் ஏற்பட்டிருப்பதை காண முடிகின்றது, இந்த நிதர்சனத்தை யாரும் மறுக்கவோ மறைக்கவோ முடியாது.

ஆனால், இதனையெல்லாம் கடந்து கொரோனாவை கட்டுப்படுத்த நாம் கூட்டிணைந்து பணியாற்ற வேண்டும். ஒவ்வொரு தனிநபரும் தமது தூய்மை, சுகாதாரத்தை உறுதிப்படுத்துவதும், நோய் அறிகுறி தென்படுமிடத்து

உடனே வைத்தியசாலைக்கு செல்வதுமே அடிப்படை நோய்த் தடுப்புக்கு வழிவகுக்கும்.

உண்மையில் கொரோனா (கொவிட்-19) என்பது தற்செயலாக பரவுகின்ற ஒரு தொற்றுநோய் மட்டும்தானா? அல்லது இதற்குப் பின்னால் வேறு ‘கிருமிகளும்’ இருந்து கொண்டு திட்டமிட்டு பரப்புகின்றனவா என்ற மிகப் பெரிய வினாவுக்கு உலகம் விடை காண வேண்டும். அதற்கு முன்னதாக, இப்போது உயிர்கொல்லும் கொரோனா வைரஸ் பரவலை தடுத்து நிறுத்துவதற்கு இலங்கை உள்ளிட்ட அனைத்து நாடுகளும் காத்திரமான நடவடிக்கைகளை எடுத்தாக வேண்டும். தாமதித்தால் தவிக்க நேரிடலாம்!

- ஏ.எல்.நிப்றாஸ்